ശബരിമല: വെടിവഴിപാട് ലേലത്തിൽ മാറ്റംവരുത്തും 

തിരുവനന്തപുരം: ശബരിമലയിൽ വെടിവഴിപാട് ലേലത്തിനുള്ള നടപടികൾ പുനഃപരിശോധിക്കാൻ തിരുവിതാംകൂർ ദേവസ്വം ബോർഡ് തീരുമാനം. വെടിവഴിപാടിന് ദേവസ്വം ബോർഡിന്റെ പേരിൽ ലൈസൻസ് എടുത്ത് ലേലത്തിന് കൊടുക്കുകയായിരുന്നു പതിവ്. ഈ ലൈസൻസ് ഉപയോഗിച്ചാണ് വെടിമരുന്നുകൾ വാങ്ങിയിരുന്നത്. ഇത് നിയമവിരുദ്ധമാണെന്ന് വിലയിരുത്തിയാണ് പുനഃപരിശോധനയ്ക്ക് ഒരുങ്ങുന്നത്. ബോർഡ് ലൈസൻസ് എടുക്കുന്നത് ഒഴിവാക്കി, ലൈസൻസുള്ളവരിൽ നിന്ന് ടെൻഡർ ക്ഷണിച്ച് കരാർ നൽകാനാണ് നീക്കം. ഇത്തവണ മുതൽ പുതിയ രീതിയിൽ കരാർ നൽകാനാണ് തീരുമാനം.