കെ.പി.സി.സി ഭാരവാഹി യോഗം ഇന്ന്

തിരുവനന്തപുരം:കെ.പി.സി.സി പുനഃസംഘടനയിൽ അവ്യക്തത നിലനിൽക്കെ, സംസ്ഥാന കോൺഗ്രസ് പ്രവർത്തനം കൂടുതൽ ശക്തമാക്കാൻ കെ.പി.സി.സി ഭാരവാഹികളുടെയും ഡി.സി.സി പ്രസിഡന്റുമാരുടെയും യോഗം ഇന്ന് രാവിലെ 10.30 ന് ഇന്ദിരാ ഭവനിൽ ചേരും. താഴെത്തട്ടിൽ പാർട്ടി പ്രവർത്തനം ശക്തമാക്കി സർക്കാർ പരിപാടികൾക്ക് വേണ്ടത്ര പ്രചാരം നൽകാനുള്ള പദ്ധതികൾക്ക് രൂപം നൽകും. ബോർഡ്, കോർപ്പറേഷൻ വീതം വയ്പിൽ കെ.പി.സി.സി സ്വീകരിക്കേണ്ട നിലപാടും ചർച്ചയാവും. കോൺഗ്രസിൽ നിന്ന് ഇത്തരം സ്ഥാപനങ്ങളുടെ തലപ്പത്തേക്ക് നേതാക്കളെ നിയോഗിക്കാനുള്ള മാനദണ്ഡവും ചർച്ചയായേക്കും.