വൈദ്യുതി​ലൈൻ തട്ടി ഇനിയാരും മരിക്കില്ല

ആലപ്പുഴ : പൊട്ടിവീണ വൈദ്യുത ലൈനിൽ ചവിട്ടി ഇനിയാരും മരിക്കരുത്. പറയുന്നത് ആവണീശ്വരം എ.പി.പി.എം. വി.എച്ച്.എസ്.എസ് പ്ളസ് വൺ വിദ്യാർത്ഥികളായ ഭഗത് ശ്രീ ബൽറാമും അൻവർ ഷാ ആർ.എൻ.എയും. ഞങ്ങൾ കണ്ടെത്തിയ ലൈഫ് പ്രൊട്ടക്ടർ സംവിധാനം,​ വൈദ്യുത ലൈൻ പൊട്ടി വീണും തോട്ടി തട്ടിയുമുള്ള അപകടങ്ങൾ ഇല്ലാതാക്കുമെന്നാണ് അവർ ഉറപ്പിച്ചു പറയുന്നത്. വൈദ്യുതലൈൻ വിച്ഛേദിക്കപ്പെടുമ്പോൾ ഉടനടി പ്രദേശത്തെ ട്രാൻസ്‌ഫോർമർ ഓഫാകുന്ന സംവിധാനമാണിത്. ഒപ്പം കെ.എസ്ഇ.ബി ഓഫീസിലേക്ക് അടിയന്തര സന്ദേശവും എത്തും. കമ്പ്,​ കമ്പി,​ തോട്ടി എന്നിവ ലൈനിൽ തൊട്ടാലും ഉടൻ വൈദ്യുതി വിച്ഛേദിക്കപ്പെടും. ലൈറ്റ് ഡിപ്പൻഡിംഗ് റസിസ്റ്റർ ആണ് ഇതിനായി ഉപയോഗിച്ചിരിക്കുന്നത്.

പ്രവർത്തനം
#വൈദ്യതലൈൻ പൊട്ടിയാലുടൻ ലൈനിന് സമീപം സ്ഥാപിച്ചിട്ടുള്ള ലൈറ്റ് ഡിപ്പൻഡിംഗ് റസിസ്റ്ററിലേക്ക് സന്ദേശമെത്തും

#ഇതാണ് ട്രാൻസ്‌ഫോർമറിലെ ബന്ധം വിച്ഛേദിക്കുന്നത്

# റേഡിയോ ഫ്രീക്വൻസി സിഗ്നൽ ഉപയോഗിച്ചാണ് റസിസ്റ്ററിന്റെ പ്രവർത്തനം