മെഡിക്കൽ സിമ്പോസിയം

അമ്പലപ്പുഴ : അമ്പലപ്പുഴ കുടുംബവേദി മെഡിക്കൽ സിമ്പോസിയവും സെമിനാറും ഇന്ത്യൻ മെഡിക്കൽ അസോസിയേഷൻ സി.ജി.പി സംസ്ഥാന സെക്രട്ടറി ഡോ. കെ. കൃഷ്ണകുമാർ ഉദ്ഘാടനം ചെയ്തു. കുടുംബവേദി ചെയർമാൻ ആർ. ഹരികുമാർ അദ്ധ്യക്ഷനായി. ആലപ്പുഴ മെഡിക്കൽ കോളേജ് വ്യക്കരോഗ വിഭാഗം മേധാവി ഡോ. എസ് .ഗോമതിയും കാൻസർ രോഗ വിദഗ്ദ്ധ ഡോ. ആർ. ചിത്രയും ക്ലാസ്സുകൾ നയിച്ചു. കുടുംബവേദി ജനറൽ കൺവീനർ ആർ. ദിനേശ് കുമാർ, കൺവീനർ എസ്. രാജൻ , കൊട്ടാരം ഉണ്ണികൃഷ്ണൻ , പി.ആർ.സി പണിക്കർ, സുഭദ്ര കെ മേനോൻ തുടങ്ങിയവർ പ്രസംഗിച്ചു. മെഡിക്കൽ കമ്മറ്റി കൺവീനർ കെ.സി. നായർ സ്വാഗതം പറഞ്ഞു.