മെഡി.കോളേജിൽ രക്തദാന ക്യാമ്പ് 

ആലപ്പുഴ: യൂത്ത് കോൺഗ്രസ് നേതാവായിരുന്ന ഷുഹൈബ് ഇടയന്നൂരിന്റെ രക്തസാക്ഷിത്വ ദിനാചരണത്തിന്റെ ഭാഗമായി യൂത്ത് കോൺഗ്രസ് ജില്ലാ കമ്മിറ്റിയുടെ ആഭിമുഖ്യത്തിൽ ടി.ഡി മെഡിക്കൽ കോളേജിൽ രക്തദാന ക്യാമ്പ് സംഘടിപ്പിച്ചു. യൂത്ത് കോൺഗ്രസ് ജില്ലാ പ്രസിഡന്റ് എം.പി.പ്രവീൺ ഉദ്ഘാടനം നിർവ്വഹിച്ചു. ഡയാലിസിസ് കിറ്റുകൾ മെഡിക്കൽ കോളേജ് നെഫ്രോളജി വിഭാഗം മേധാവി ഡോ. കെ.എം.ഗോമതിക്ക് കൈമാറി. ജില്ലാ ജനറൽ സെക്രട്ടറി എസ്.ശിവമോഹൻ അദ്ധ്യക്ഷത വഹിച്ചു. സംസ്ഥാന സെക്രട്ടറിമാരായ രെജിൻ.എസ്.ഉണ്ണിത്താൻ, ഷെമീം ചീരാമത്ത്, റഹീം വെറ്റക്കാരൻ തുടങ്ങിയവർ സംസാരിച്ചു.