തൊഴിലുറപ്പ് പദ്ധതിയി​ൽ ജില്ലയിൽ വിതരണം ചെയ്യാനുള്ളത് 121കോടി

ആലപ്പുഴ: മഹാത്മഗാന്ധി ഗ്രാമീണ തൊഴിലുറപ്പ് പദ്ധതിയിൽ ജില്ലയിൽ തൊഴിലാളികൾക്ക് വേതനമായി വിതരണം ചെയ്യാനുള്ളത് 121കോടി രൂപ. 2,10,058തൊഴിലാളികൾക്ക് രണ്ടരമാസത്തത്തെ വേതനമാണ് വിതരണം ചെയ്യാനുള്ളത്. കേന്ദ്രസർക്കാർ ഫണ്ട് അനുവദിക്കാത്തതാണ് കാലതാമസത്തി​ന് പി​ന്നി​ൽ. ഡിസംബർ പകുതി വരെയുള്ള വേതനം വിതരണം ചെയ്തതിരുന്നു. ഡിസംബറിലെ പകുതിയും ജനുവരി, ഫെബ്രുവരി മാസങ്ങളിലെ പൂർണ്ണ വേതനവുമാണ് നൽകാനുള്ളത്.

സാധാരണ, തൊഴിലാളികളുടെ മസ്റ്റർ വിവരങ്ങൾ അപ്ഡേറ്റ് ചെയ്താൽ 15ദിവസത്തത്തിനുള്ളിൽ വേതനം നൽകാറുണ്ട്. ഓരോ തൊഴിലാളിക്കും പ്രതിദിനം 346രൂപയാണ് വേതനം.