ഗോഡൗണിലേക്ക് മാർച്ച് നടത്തി

ആലപ്പുഴ: കയറ്റിറക്ക് തൊഴിലാളികൾ ആലപ്പുഴ എഫ്.സി.ഐ ഗോഡൗൺ മാർച്ചും ധർണ്ണയും നടത്തി.വിവിധ ആവശ്യങ്ങൾ ഉന്നയിച്ചും കേന്ദ്ര മന്ത്രി നിർമ്മല സീതാരാമൻ നോക്കുകൂലിയുടെ പേര് പറഞ്ഞ് കേരളത്തെ അധിക്ഷേപിച്ചതിൽ പ്രതിഷേധിച്ചുമായിരുന്നു ഹെഡ് ലോഡ് ആൻഡ് ജനറൽ വർക്കേഴ്‌സ് യൂണിയന്റെ (സി.ഐ.ടി.യു)​ നേതൃത്വത്തിൽ മാർച്ചും ധർണ്ണയും നടത്തിയത്. സി.ഐ.ടി.യു ദേശീയ കൗൺസിലംഗം ആർ.നാസർ ഉദ്ഘാടനം ചെയ്തു. യൂണിയൻ ജില്ലാ പ്രസിഡന്റ് കോശി അലക്‌സ് അദ്ധ്യക്ഷനായി.യൂണിയൻ ജില്ലാ ജനറൽ സെക്രട്ടറി വി.ബി.അശോകൻ,ജില്ലാ ട്രഷറർ എസ്.രമേശൻ,വി.ടി.രാജേഷ്, എം.വി.ഹൽത്താഫ്,കെ.വി.ദേവദാസ്,ഉല്ലാസ്,സജിമോൻ,ടി.പി നരേന്ദ്രൻ, മുരളി എന്നിവർ സംസാരിച്ചു.