മത്സ്യബന്ധനത്തിനിടെ വല നഷ്ടമായി

അമ്പലപ്പുഴ: വണ്ടാനം പടിഞ്ഞാറ് മത്സ്യബന്ധനത്തിനിടെ വല നഷ്ടമായി. കാക്കാഴം പുതുവൽ രണദേവന്റെ ഉടമസ്ഥതയിലുള്ള കുഞ്ഞാറ്റ വള്ളത്തിലെ വലയാണ് നഷ്ടമായത്. മത്സ്യ ബന്ധനത്തിനിടെ വലിച്ചപ്പോൾ എവിടെയോ ഉടക്കി വല നഷ്ടപ്പെടുകയായിരുന്നു.100 കിലോവല നഷ്ടമായതോടെ,​ 40 പേരുള്ള വീഞ്ചു വള്ളത്തിലെ പണിയും നഷ്ടമായി. മൂന്നരലക്ഷം രൂപയുടെ നഷ്ടമുണ്ടായതായി ഉടമ പറഞ്ഞു. മുങ്ങിയ കപ്പലിലെ കണ്ടെയ്‌നറിൽ കുടുങ്ങിയതാകാം വല നഷ്ടമാകാൻ കാരണമെന്ന് മത്സ്യത്തൊഴിലാളികൾ പറഞ്ഞു. മറ്റു പല വള്ളങ്ങളുടെയും വല ഇത്തരത്തിൽ നഷ്ടപ്പെട്ടതായി അവർ പറയുന്നു.