നോവൽ പ്രകാശനം, ചിത്രരചന മത്സരം

ആലപ്പുഴ : വേൾഡ് ഡ്രമാറ്റിക് സ്റ്റഡി സെന്റർ ആൻഡ് ഫിലിം ഇൻസ്റ്റിറ്റിയൂട്ടിന്റെ ആഭിമുഖ്യത്തിൽ ബാഹുലേയൻ കാക്കാഴം രചിച്ച 'ഇവിടെ വിരിയും സ്വപ്നങ്ങൾ' എന്ന നോവലിന്റെ പ്രകാശനം, സ്‌കൂൾ വിദ്യാർത്ഥികൾക്കായി ആർട്ടിസ്റ്റ്.എസ്.എൽ. ലാരിയസ് അനുസ്മരണ ചിത്രരചനാ മത്സരം, ആദരവ് സമർപ്പണം എന്നീ പരിപാടികൾ 28​ന് ഉച്ചകഴിഞ്ഞ് 3​ന് ആലപ്പുഴ ചടയൻമുറി ഹാളിൽ സംഘടിപ്പിക്കും. ഉദ്ഘാടനവും പുസ്തകപ്രകാശനവും സംവിധായകൻ പോൾസൺ നിർവഹിക്കും. സ്റ്റഡി സെന്റർ ഡയറക്ടർ ആര്യാട് ഭാർഗവൻ അദ്ധ്യക്ഷനാകും. എം.പി.ഗുരുദയാൽ ആദ്യകോപ്പി ഏറ്റുവാങ്ങും. രണ്ട് മണി മുതൽ ചിത്രരചനാമത്സരം നടക്കും.