ഓപ്പറേഷൻ തണ്ടർ: അബ്കാരി കേസിൽ 31പേർ അറസ്റ്റിൽ

ആലപ്പുഴ: ജില്ലയിലെ വിവിധഭാഗങ്ങളിൽ ​ഒരാഴ്ചയായി എക്​സൈസ്​ നടത്തിയ ‘ഓപ്പറേഷൻ തണ്ടർ’ പരിശോധനയിൽ അബ്കാരി കേസുകളിൽ 31​പേർ അറസ്​റ്റിലായി. 39 പേർക്കെതിരെ കേസെടുത്തു. 26 എൻ.ഡി.പി.എസ്​ കേസുകളിൽ 24 പ്രതികളിൽ 23പേ​രെയും അറസ്റ്റ്​ ചെയ്തു. ഇവരിൽനിന്ന്​ 83.1 ലിറ്റർ വിദേശമദ്യം 0.200 ലിറ്റർ ബിയർ, 7.531 കിലോ ​കഞ്ചാവ്​, രണ്ട്​ കഞ്ചാവ്​ ചെടി, ഒരുബീഡി എന്നിവയും 3900 രൂപ എന്നിവയും പിടിച്ചെടുത്തു. അനധികൃത പുകയില ഉൽപന്നം പിടികൂടിയ സംഭവത്തിൽ 60 പേർക്കെതിരെ കേസെടുത്തു. 12,000 രൂപ പിഴ ചുമത്തി. ജൂൺ ഒന്ന് മുതൽ ഏഴ് വരെ തിയതികളിലാണ് 'ഓപ്പറേഷൻ തണ്ടർ' പരിശോധന നടത്തിയത്. വ്യാജമദ്യ-മയക്കമരുന്നിനെക്കുറിച്ചുള്ള വിവരം അറിയിക്കാൻ 24 മണിക്കൂർ പ്രവർത്തിക്കുന്ന കൺട്രോൾ റൂം ആലപ്പുഴ എക്​സൈസ്​ ഓഫിസിൽ തുറന്നിട്ടുണ്ട്​. ഫോൺ: 0477 2252049, 9447178056