ആജീവനാന്ത പഠനം: അന്താരാഷ്ട്ര സമ്മേളനം

കൊച്ചി: സുസ്ഥിര ഭാവിക്ക് വേണ്ടിയുള്ള ആജീവനാന്ത പഠനത്തെക്കുറിച്ച് കാലടി ആദിശങ്കര ഇൻസ്റ്റിറ്റ്യൂട്ടിൽ സംഘടിപ്പിച്ച ത്രിദിന അന്താരാഷ്ട്ര സമ്മേളനം എഴുത്തുകാരനായ കമലേഷ് ഡി. പട്ടേൽ (ഡാജി) ഉദ്ഘാടനം ചെയ്തു. അയർലൻഡ് എ.എസ്.ഇ.എം ഹോണറബിൾ ചെയർമാൻ പ്രൊഫ. സീമസ് ഓ ട്വാമ മുഖ്യ പ്രഭാഷണം നടത്തി. ഡോ. മുഹമ്മദ് എ. ബിൻ ഫഹദ്, എൻ.ഐ.ടി കാലിക്കറ്റ് ഡയറക്ടർ ഡോ. പ്രസാദ് കൃഷ്ണ തുടങ്ങിയവർ വിശിഷ്ടാതിഥികളായി​. ആദി ശങ്കര ട്രസ്റ്റ് മാനേജിംഗ് ട്രസ്റ്റി കെ. ആനന്ദ്, ഡോ. എം. എസ്. മുരളി, ഡോ. ജേക്കബ് ജോർജ് തുടങ്ങിയവർ സംസാരിച്ചു. 8ന് സമ്മേളനം സമാപിക്കും.