പരിസ്ഥിതി സമിതി ജില്ലാ കൺവൻഷൻ

കാഞ്ഞങ്ങാട്: പാരിസ്ഥിതിക വിഷയങ്ങളിൽ മലയാളിയുടെ മനോഭാവം അടിമുടി തിരുത്തണമെന്ന് എഴുത്തുകാരൻ ഡോ. അംബികാസുതൻ മാങ്ങാട് അഭിപ്രായപ്പെട്ടു. വികസനത്തിന്റെ പേരിൽ നടത്തി വരുന്ന പാരിസ്ഥിതിക വിനാശത്തെ തിരിച്ചറിഞ്ഞ് ക്രിയാത്മകമായി ഇടപെടാൻ പൊതുസമൂഹം തയ്യാറാവണം. ജില്ലാ പരിസ്ഥിതി സമിതി പ്രവർത്തക കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പരിസ്ഥിതി സമിതി പ്രസിഡന്റ് അഡ്വ. ടി.വി രാജേന്ദ്രൻ അദ്ധ്യക്ഷത വഹിച്ചു. പ്രൊഫ. എം. ഗോപാലൻ, പ്രൊഫ. ടി.എം സുരേന്ദ്രനാഥ്, യു. തമ്പാൻ നായർ, സജിത ശ്രീകുമാർ വി.കെ വിനയൻ, സതി എരമം, പി. കൃഷ്ണൻ, പവിത്രൻ തോയമ്മൽ, രമേശൻ മലയാറ്റുകര, ജാഫർ മൂവാരിക്കുണ്ട്, പി. സുശാന്ത്, കൃഷ്ണൻ മേലത്ത്, മാത്യു കുരുവിള, ടി. ശോഭന എന്നിവർ സംസാരിച്ചു. പി.വി സുധീർകുമാർ സ്വാഗതവും കെ.വി ജിജു നന്ദിയും പറഞ്ഞു.