അധി​കൃതർ അറി​ഞ്ഞി​ട്ടും നടപടി​യി​ല്ല, ചി​ന്നക്കട റൗണ്ടിനടുത്ത് മാലി​ന്യം വലി​ച്ചെറി​യുന്നു

തള്ളുന്നത് റെയിൽവേയും കോർപ്പറേഷനും തമ്മിൽ തർക്കമുള്ള ഭൂമി​യി​ൽ

കൊല്ലം: ചിന്നക്കട റൗണ്ടിന് സമീപത്തെ പെട്രോൾ പമ്പിനടുത്ത് മാലിന്യ നിക്ഷേപം വർദ്ധിച്ചിട്ടും നടപടിയെടുക്കാതെ അധികൃതർ. റെയിൽവേയും കോർപ്പറേഷനും തമ്മിൽ ഭൂമിയുടെ അവകാശവുമായി ബന്ധപ്പെട്ട് തർക്കത്തിൽ കിടക്കുന്ന സ്ഥലമാണിത്. ഇവി​ടെ മാലി​ന്യങ്ങൾ കെട്ടി​ക്കി​ടക്കാൻ തുടങ്ങി​യി​ട്ട് മാസങ്ങളായി​.

പ്ലാസ്റ്റിക്, ഭക്ഷണാവശിഷ്ടങ്ങൾ, അറവ് മാലിന്യങ്ങൾ, ആശുപത്രി മാലിന്യങ്ങൾ ഉൾപ്പെടെയാണ് പുരയിടത്തിലുള്ളത്. ചാക്കിലും പ്ലാസ്റ്റിക് കവറിലും കെട്ടിയാണ് മാലിന്യങ്ങൾ ഇവിടെ തള്ളുന്നത്. മാലിന്യം നിക്ഷേപിച്ചിരിക്കുന്നതിനു സമീപത്തെ ഫുട്പാത്തി​ലൂടെ ദി​വസവും നൂറുകണക്കി​ന് ആളുകളാണ് കടന്ന് പോകുന്നത്. സന്ധ്യ സമയങ്ങളിലും രാത്രിയിലുമാണ് മാലിന്യ നിക്ഷേപം നടത്തുന്നത്. ഇവിടെ ചെടികൾ ഉൾപ്പെടെ വളർന്ന് കാട് മൂടി കിടക്കുന്നതിന്നാൽ മാലിന്യങ്ങൾ കൂടികിടക്കുന്നത് റോഡിൽ നിന്ന് നോക്കിയാൽ പെട്ടെന്ന് ശ്രദ്ധയിൽപ്പെടില്ല.

മഴക്കാലത്ത് മാലിന്യങ്ങളിലേക്ക് വെള്ളമിറങ്ങി ജീർണി​ക്കുന്ന സ്ഥിതിയാകും. ഇത് പകർച്ചപ്പനികൾക്കും എലിപ്പനി പോലെയുള്ള അസുഖങ്ങൾക്കും കാരണമാകുന്നുണ്ട്. ജില്ലയിൽ ഡെങ്കിപ്പനി അടക്കം പകർച്ചപ്പനികൾ പിടിപെടുന്നവരുടെ എണ്ണം വർദ്ധിക്കുമ്പോഴും മാലിന്യം നീക്കം ചെയ്യാൻ നടപടിയെടുക്കുന്നില്ലെന്നാക്ഷേപം ഉയർന്നിട്ടുണ്ട്. .

മൂക്കുപൊത്തണം

ചിന്നക്കടയിൽ നിന്ന് റെയിൽവേ സ്‌റ്റേഷനിലേക്കും ചിന്നക്കട ബസ് സ്റ്റാൻഡി​ലേക്കുമൊക്കെ പോകുന്നവർ ഈ ദുർഗന്ധഭാഗം കടന്നുവേണം പോകാൻ. മൂന്നുപൊത്താതെ ഇവി​ടം കടന്നു പോകാനാവി​ല്ല. നഗരത്തിന്റെ ഹൃദയ ഭാഗത്താണെങ്കിലും സി.സി.ടി.വി ഇല്ലാത്തതിനാൽ മാലിന്യ നിക്ഷേപം നിർബാധം തുടരുകയാണ്. മാലി​ന്യം തള്ളുന്നവരെ കണ്ടെത്താനും കഴി​യുന്നി​ല്ല. മതിയായ വെളിച്ചവും ഈ ഭാഗത്ത് ഇല്ലാത്തതിനാൽ സ്‌കൂട്ടറിലും കാറിലുമായി കൊണ്ടു വരുന്ന മാലിന്യങ്ങൾ ഇവിടെ നിക്ഷേപിച്ച ശേഷം കടന്ന് കളയുകയാണ്.

മാലിന്യം നിക്ഷേപം നടക്കുന്ന ഭൂമിയുടെ ഉടമസ്ഥാവകാശം സംബന്ധിച്ച് തർക്കം നിലവിലുണ്ട്. ഇവിടെ മാലിന്യം തള്ളുന്നവർക്കെതിരെ കർശന നടപടി സ്വീകരിക്കും. നിലവിൽ ഇവി​ടെയുള്ള മാലിന്യങ്ങൾ നീക്കം ചെയ്യാൻ ശ്രമി​ക്കും. വീണ്ടും മാലിന്യങ്ങൾ നിക്ഷേപിക്കാതിരിക്കാൻ നിരീക്ഷണം ശക്തമാക്കും

കോർപ്പറേഷൻ അധികൃതർ