കെ.എസ്.ഇ.ബി എൻജിനിയേഴ്‌സ് അസോ. ജില്ലാ യോഗം

കൊല്ലം: ഉപഭോക്തൃ സേവനം മെച്ചപ്പെടുത്താൻ നവീന സാങ്കേതിക വിദ്യകൾ കൂടുതലായി ഉപയോഗപ്പെടുത്തണമെന്ന് കെ.എസ്.ഇ.ബി എൻജി​നീയേഴ്‌സ് അസോസിയേഷൻ ജില്ലാ യോഗം ആവശ്യപ്പെട്ടു. ട്രാൻസ്‌ഫോർമർ ഉൾപ്പെടെയുള്ള അത്യാവശ്യ സാമഗ്രികൾ പോലും യഥാസമയം ലഭ്യമാക്കാൻ കഴിയാത്ത അവസ്ഥയുണ്ടെന്നും യോഗം അഭിപ്രായപ്പെട്ടു. സംസ്ഥാന സെക്രട്ടറി ഡി.ആർ. ഇന്ദുചൂഡൻ ഉദ്ഘാടനം ചെയ്തു. അസോസിയേഷൻ ജില്ലാ പ്രസിഡന്റ് എസ്. സുരേഷ്‌കുമാർ അദ്ധ്യക്ഷത വഹി​ച്ചു. അസോസിയേഷൻ മുൻ ജനറൽ സെക്രട്ടറിമാരായ എൻ. വിഷ്ണു നമ്പൂതിരി, ആർ. ശ്രീകുമാരൻ നായർ എന്നിവരുടെയും റിട്ട. എക്‌സിക്യൂട്ടീവ് എൻജി​നീയർ ഡേവിസ് സൈലത്തിന്റെയും നിര്യാണത്തിൽ യോഗം അനുശോചി​ച്ചു. കൊല്ലം ഡെപ്യൂട്ടി ചീഫ് എൻജി​നീയർ ജി. സോണി, മുൻ ജനറൽ സെക്രട്ടറി എസ്.കെ. യശോധരൻ, റിട്ട. ചീഫ് എൻജി​നീയർ ചെറിയാൻ വർഗീസ്, എം.എസ്. രവികുമാർ, ഫിലിപ്പോസ് പണിക്കർ, കാപ്പക്സ് മുൻ എം.ഡി. ജയചന്ദ്രൻ, ബിന്ദു ശിവശങ്കരപ്പിള്ള, ജില്ലാ സെക്രട്ടറി അമൽ അശോക് തുടങ്ങിയവർ സംസാരി​ച്ചു.