ആർ.എസ്.പി ജില്ലാ നേതൃത്വ ക്യാമ്പ് 

കൊല്ലം: ആർ.എസ്.പി കൊല്ലം ജില്ലാ നേതൃത്വ ക്യാമ്പ് ഫെബ്രുവരി 8, 9 തീയതികളിൽ തെന്മലയിൽ നടത്താൻ ആർ.എസ്.പി കൊല്ലം ജില്ലാ എക്സിക്യൂട്ടീവ് കമ്മിറ്റി തീരുമാനിച്ചു. ജില്ലാ നേതൃത്വ ക്യാമ്പിൽ കാലികപ്രാധാന്യമുള്ള വിവിധ വിഷയങ്ങളെ സംബന്ധിച്ച് വിദഗ്ദ്ധർ പങ്കെടുക്കുന്ന ക്ലാസുകൾ, ചർച്ചകൾ എന്നിവ ഉണ്ടായിരിക്കും. കൊല്ലം ജില്ലയിലെ 11 നിയോജക മണ്ഡലങ്ങളിൽ നിന്നായി തി​രഞ്ഞെടുക്കപ്പെട്ട പ്രതിനിധികൾ ക്യാമ്പ് അംഗങ്ങളായിരിക്കും. 8ന് രാവിലെ 9 ന് പതാക ഉയർത്തുന്നതോടെ ക്യാമ്പ് ആരംഭിക്കും. 9ന് വൈകിട്ട് 5ന്സമാപിക്കും. തദ്ദേശ സ്വയംഭരണ സ്ഥാപനങ്ങളിലേക്കു നടക്കുന്ന തി​രഞ്ഞെടുപ്പിൽ പാർട്ടി സംഘടനാ സംവിധാനങ്ങൾ ശക്തിപ്പെടുത്തുന്നതിനും തി​രഞ്ഞെടുപ്പു പ്രവർത്തനങ്ങൾക്കുള്ള മാർഗ്ഗനിർദ്ദേശങ്ങൾക്കും ക്യാമ്പ് രൂപം നൽകും. കേന്ദ്ര സെക്രട്ടേറിയറ്റ് അംഗം എ.എ.അസീസി​ന്റെ അദ്ധ്യക്ഷതയിൽ കൂടിയ യോഗത്തിൽ സംസ്ഥാന സെക്രട്ടറി ഷിബു ബേബി ജോൺ, എൻ.കെ. പ്രേമചന്ദ്രൻ എം.പി, ബാബു ദിവാകരൻ, അഡ്വ. ടി​.സി​. വിജയൻ, ജില്ലാ സെക്രട്ടറി കെ.എസ്. വേണുഗോപാൽ, അഡ്വ. ജി. രാജേന്ദ്രപ്രസാദ്, പി. പ്രകാശ് ബാബു, ഇടവനശ്ശേരി സുരേന്ദ്രൻ, കെ.സിസിലി, എം.എ.സാലി എന്നിവർ സംസാരി​ച്ചു.