വാഹനം ഇല്ലാതെ നാടാകെ നെട്ടോട്ടമോടി എക്‌സൈസ്

കൊല്ലം: ലഹരിവസ്‌തുക്കളുടെ വ്യാപനം കൂടുമ്പോഴും വാഹനം ഇല്ലാതെ നെട്ടോട്ടമോടി എക്‌സൈസ്. ജില്ലയിൽ ലഹരി വസ്തുക്കൾ വ്യാപകമാവുകയും നിരന്തരം റെയ്ഡുകൾ വേണ്ടിവരികയും ചെയ്യുമ്പോഴാണ് വാഹനമില്ലാതെ എക്സൈസ് അധികൃതർ ബുദ്ധിമുട്ടുന്നത്. കൊല്ലം, അഞ്ചൽ റേഞ്ചുകളിലെ ജീപ്പുകളുടെ ഫിറ്റ്‌​നസ് കാലാവധി കഴിഞ്ഞ മാസം അവസാനിച്ചിരുന്നു. 15 വർഷം പൂർത്തിയായ ഈ വാ​ഹ​ന​ങ്ങൾ​ക്ക് പ​ക​രം പുതി​യ വാ​ഹ​ന​ങ്ങ​ളെ​ത്തണം. അതിനുള്ള നടപടികൾ പുരോഗമിക്കുന്നതേ ഉള്ളൂ. ചെക്ക് പോസ്റ്റിലും നിലവിൽ ജീപ്പ് ഇല്ല. ഒരു ബൈക്ക് മാത്രമാണ് ഉള്ളത്.

ജില്ലയിൽ ബൈ​ക്ക്, സ്​കൂ​ട്ട​ർ, കാർ, ജീപ്പ് തുടങ്ങി ആകെ 46 വാഹനങ്ങളാണ് എക്‌സൈസ് വകുപ്പിന് കീഴിലുള്ളത്. ഇവയിൽ 15 വർ​ഷ​ത്തിന് അടുത്ത്​ കാ​ല​പ്പ​ഴ​ക്ക​മു​ള്ള വാ​ഹന​ങ്ങൾ മാ​റ്റു​ന്ന​തി​നു​ള്ള ന​ട​പ​ടി​കളും പു​രോ​ഗ​മി​ക്കു​ക​യാണ്.

ഓടിക്കാൻ ഡ്രൈവർ ചുരുക്കം

സിവിൽ എക്‌സൈസ് ഉദ്യോഗസ്ഥരാണ് 'ഡ്രൈവർമാരായി' പകരം സേവനമനുഷ്ഠിക്കുന്നത്. സാമ്പത്തിക പ്രതിസന്ധി മൂലം പുതിയ തസ്തികകൾ സൃഷ്ടിക്കാത്തതാണ് കാരണം. ഡ്രൈവർമാരുടെ കുറവ് ലഹരിക്കേസുകളിലെ പരിശോധനയെ സാരമായി ബാധിക്കുന്നുമുണ്ട്. കൂടുതൽ ഡ്രൈവർ തസ്തിക സൃഷ്ടിക്കുകയോ എക്‌സൈസ് വകുപ്പിലുള്ള വാഹനങ്ങളുടെ എണ്ണത്തിന് അനുസരിച്ച് ഡ്രൈവർമാരെ നിയമിക്കുകയോ വേണമെന്നാണ് ആവശ്യം

റേഞ്ച് ഓഫീസുകൾ - 09

വാ​ഹന​ങ്ങൾ - 7 (ജീപ്പ്)

ബൈ​ക്ക് - 9

സ്​കൂ​ട്ട​ർ - 9

സർക്കിൾ ഓഫീസുകൾ - 06

വാ​ഹന​ങ്ങൾ - 6 (ജീപ്പ്)

ബൈ​ക്ക് - 6

സ്‌​ട്രൈ​ക്കിം​ഗ് ഫോ​ഴ്‌​സ് - 03 വാ​ഹ​ന​ങ്ങൾ

സ്‌പെഷ്യൽ സ്‌ക്വാഡ് ഓഫീസ് ​ - 01

ബൈ​ക്ക് -1

സ്​കൂ​ട്ട​ർ-1

ഇന്റലിജൻസ്

വാ​ഹന​ങ്ങൾ-1 (കാ‌ർ)

ചെക്ക് പോസ്റ്റുകൾ - 02

ബൈ​ക്ക് -1

(ആര്യങ്കാവ്, അച്ചൻകോവിൽ)