കല്ലട സി.ബി.എൽ ജലോത്സവം ഇന്ന്

കൊല്ലം: സംസ്ഥാന ടൂറിസം വകുപ്പിന്റെ ചാമ്പ്യൻസ് ബോട്ട് ലീഗിന്റെ കല്ലടയിലെ മത്സരങ്ങൾ ഇന്ന് മൺറോത്തുരുത്ത് കാരൂത്തറക്കടവ് മുതിരപ്പറമ്പ് നെട്ടാത്തിൽ നടക്കും. 2.30നാണ് മത്സരങ്ങൾ. കൊല്ലത്തെ ഫൈനൽ മത്സരത്തോട് കൂടിയാണ് വിജയികളെ പ്രഖ്യാപിക്കുക. ഒൻപത് ചുണ്ടൻ വള്ളങ്ങളാണ് പോരാടുന്നത്. പള്ളാത്തുരുത്തി ബോട്ട് ക്ലബിന്റെ മേൽപ്പാടം, വില്ലേജ് ബോട്ട് ക്ലബ് കൈനകരിയുടെ വീയപുരം, കുമരകം ടൗൺ ബോട്ട് ക്ലബിന്റെ പായിപ്പാടൻ, നിരണം ബോട്ട് ക്ലബിന്റെ നിരണം, കാരിച്ചാൽ ചുണ്ടൻ എഫ്.സിയുടെ കാരിച്ചാൽ, ഇമ്മാനുവൽ ബോട്ട് ക്ലബിന്റെ നടുവിലേപ്പറമ്പൻ, പുന്നമട ബോട്ട് ക്ലബിന്റെ നടുഭാഗം, തെക്കേക്കര ബോട്ട് ക്ലബിന്റെ ചെറുതന, ചങ്ങനാശേരി ബോട്ട് ക്ലബിന്റെ ചമ്പക്കുളം എന്നീ ചുണ്ടൻ വള്ളങ്ങളാണ് മത്സരത്തിനുള്ളത്.