ഉഴവൂർ വിജയൻ അനുസ്മരണം

കൊല്ലം: എൻ.സി.പി മുൻ സംസ്ഥാന പ്രസിഡന്റും പ്രമുഖ വാഗ്മിയുമായിരുന്ന ഉഴവൂർ വിജയന്റെ ആറാമത് ചരമവാർഷികം 23ന് കൊല്ലത്ത് നടക്കുമെന്ന് എൻ.സി.പി (സെക്കുലർ) ജില്ലാ പ്രസിഡന്റ് ജി.പത്മാകരൻ അറിയിച്ചു. ഉച്ചകഴിഞ്ഞ് 2.30ന് കടപ്പാക്കട എ സി.ഷണ്മുഖദാസ് ഹാളിൽ സംസ്ഥാന വൈസ് പ്രസിഡന്റ് വർക്കല ബി.രവികുമാർ ഉദ്ഘാടനം ചെയ്യും. എൻ.സി.പി സെക്കുലറിന്റെ പുതിയ ഭരണഘടനയുടെ കരട് പ്രമേയം യോഗത്തിൽ ചർച്ച ചെയ്യും. സംസ്ഥാന സെക്രട്ടറി എസ്.പ്രദീപ്കുമാർ മുഖ്യപ്രഭാഷണം നടത്തും. ആർ.കെ.ശശിധരൻ പിള്ള, കെ.ധർമ്മരാജൻ, അഡ്വ. കെ.എസ്.രാജീവ് എന്നിവർ മുഖ്യാതിഥികളാകും.