ആശുപത്രി​യി​ൽ അന്നവുമായി കുട്ടിപ്പൊലീസ്

പരവൂർ: എസ്.പി.സി ദിനാഘോഷവുമായി ബന്ധപ്പെട്ട് പരവൂർ എസ്.എൻ.വി ഗേൾസ് ഹൈസ്‌കൂളിലെ എസ്.പി കേഡറ്റുകൾ വിശക്കുന്നവർക്ക് ഒരു നേരത്തെ അന്നവുമായെത്തി. നെടുങ്ങോലം രാമറാവു മെമ്മോറിയൽ ഗവ. താലൂക്ക് ഹോസ്പിറ്റലിലാണ് പൊതിച്ചോറ് വിതരണം ചെയ്തത്. പരവൂർ മുനി​സിപ്പൽ വൈസ് ചെയർപേഴ്‌സൺ എച്ച്. ആമിന, പരവൂർ എസ്.ഐ എം.എസ്. മനു എന്നിവർ ചേർന്ന് വിതരണോദ്ഘാടനം നി​ർവഹി​ച്ചു. മെഡിക്കൽ ഓഫീസർ സുധീർ ജേക്കബ്, കൗൺസിലർ വി​.എസ്. രാജീവ്, സ്റ്റാൻഡിംഗ് കമ്മിറ്റി ചെയർ പേഴ്‌സൺമാരായ സുജാത, റെജില, ഗാർഡിയൻ എസ്.പി.സി പ്രസിഡന്റ് ജി​. പ്രദീപ്, പി.ടി.എ പ്രസിഡന്റ് ജയകുമാർ, എം.പി.ടി.എ പ്രസിഡന്റ് രഞ്ജിനി, സി.പി.ഒ മാരായ പി​.ആർ. ശ്രീതു, സരിഗ എസ്.ഉണ്ണിത്താൻ തുടങ്ങി​യവർ പങ്കെടുത്തു.