ചില ജില്ലകളിൽ ജോലി ചെയ്യാൻ ഡോക്ടർമാർക്കും നഴ്സുമാർക്കും മടി: കെ മുരളീധരൻ

കൊല്ലം: കേരളത്തിൽ സർക്കാർ മേഖലയിൽ ചില ജില്ലകളിൽ ജോലി ചെയ്യാൻ ഡോക്ടർമാരും നഴ്സുമാരും മടി കാണിക്കുകയാണെയെന്ന് മന്ത്രി കെ.മുരളീധരൻ. എല്ലായിടത്തും ജോലി ചെയ്യാൻ എല്ലാവരും സന്നദ്ധരാകണം. വിശേഷിച്ച് പാവപ്പെട്ടവരും ആദിവാസികളും ഏറെയുള്ള മേഖലയിൽ.

കൊല്ലം ബെൻസിഗർ കോളേജ് ഒഫ് നഴ്സിംഗ് ഡോക്ടറേറ്റ് നേടിയവർക്കുള്ള ആദരിക്കൽ ചടങ്ങ് ഉദ്ഘാടനം ചെയ്യുകയായിരുന്നു മന്ത്രി. പി.എച്ച്.ഡി ബിരുദധാരികളെ മന്ത്രി ആദരിച്ചു. കൊല്ലം ബിഷപ്പ് ഡോ. പോൾ ആന്റണി മുല്ലശ്ശേരി അദ്ധ്യക്ഷനായി. വിഷ്ണു മോഹൻ എം.എൽ.എ, ഡി.എം.ഒ ഡോ. എ.എൽ.ഷീജ, ബെൻസിഗർ ഹോസ്പിറ്റൽ ഡയറക്ടർ ഫാ. ബിനു തോമസ് തുപ്പാശേരി, നന്മ മരം ഗ്ലോബൽ ഫൗണ്ടേഷൻ സംസ്ഥാന ചീഫ് കോ ഓർഡിനേറ്റർ ജേക്കബ്.എസ് മുണ്ടപ്പുളം, ഫാ. ഷാനി ഫ്രാൻസിസ്, ഫാ. ജോസഫ് ജോൺ, പ്രിൻസിപ്പൽ സിസ്റ്റർ ആൻസി ജോസഫ്, ഡോ. കെ.ആർ.അനൂപ, ഡോ. സി.ജി.ജോസ്, ഡോ. വി.പി.ബിനുത എന്നിവർ സംസാരിച്ചു.