ഉപ്പിൽ വരച്ചു ഗാന്ധി ചി​ത്രം (ബി​റ്റ് 1)

കൊട്ടിയം: ഗാന്ധിജയന്തി ദിനത്തിൽ കൊട്ടിയം ജംഗ്ഷനിൽ അഞ്ച് ചാക്ക് ഉപ്പ് ഉപയോഗിച്ച് ഗാന്ധിജിയുടെ ചിത്രം ഒരുക്കി റൈസിംഗ് കൊട്ടിയം. ഉപ്പ് സത്യാഗ്രഹത്തിന്റെ ഓർമ പുതുക്കിയാണ് റൈസിംഗ് കൊട്ടിയം ജോയിന്റ് സെക്രട്ടറി ആർട്ടിസ്റ്റ് അബിയുടെ നേതൃത്വത്തിൽ ജംഗ്ഷന്റെ ഹൃദയഭാഗത്ത് വലിയ ചിത്രം തീർത്തത്. രാവിലെ ഏഴോടെ ആരംഭിച്ച വര ഒമ്പതോടെ പൂർത്തിയായി. റൈസിംഗ് കൊട്ടിയം പ്രസിഡന്റ് അലോഷ്യസ് പ്രസാരിയോ, ആർട്ടിസ്റ്റ് അബി, സന്തോഷ് തട്ടാമല, അസീർ, രമണൻ, സലിം, രാജേഷ് ആധാരം, മല്ലിക, പ്രസാദ് എന്നിവർ പങ്കെടുത്തു.