അദ്ധ്യാപക സംഗമം

കണ്ണനല്ലൂർ: വിസ്ഡം ഇസ്ലാമിക് യൂത്ത് ഓർഗനൈസേഷൻ കൊല്ലം ജില്ലാ സമിതിയുടെ ആഭിമുഖ്യത്തിൽ കണ്ണനല്ലൂർ സലഫി മസ്ജിദ് ഹാളിൽ അദ്ധ്യാപക സംഗമം സംഘടിപ്പിച്ചു. വിസ്‌ഡം യൂത്ത് സംസ്ഥാന സമിതി ഒക്ടോബർ 11 ന് മലപ്പുറം ജില്ലയിലെ തിരൂരങ്ങാടിയിൽ സംഘടിപ്പിക്കുന്ന കേരള ടീച്ചേഴ്സ് കോൺഫറൻസിന്റെ പ്രചാരണാർത്ഥം നടന്ന പരിപാടി കെ.എസ്.ടി.യു സംസ്ഥാന സെക്രട്ടറി എ.ഷാനവാസ് ഉദ്ഘാടനം ചെയ്തു. ഷാഫി ശാസ്താംകോട്ട അദ്ധ്യക്ഷത വഹിച്ചു. കെ.എ.ടി.എഫ് ജില്ല പ്രസിഡന്റ് ജെ. ഷഫീഖ് റഹ്മാൻ മുഖ്യാതിഥിയായി. സഹൽ സലഫി, ഹാരിസ് ഫാറൂഖി, അനസ് സ്വലാഹി, സുധീർ സ്വലാഹി, സുഹൈൽ വട്ടപ്പാറ, നജീ ഇബ്രാഹിം എന്നിവർ സംസാരിച്ചു.