വിവാഹപൂർവ കൗൺസലിംഗ്

തലയോലപ്പറമ്പ് : ദേവസ്വം ബോർഡ് കോളേജ് വനിതാവേദിയായ തർജ്ജനിയുടെ ആഭിമുഖ്യത്തിൽ കോട്ടയം സഖി വൺ സ്‌​റ്റോപ്പ് സെന്ററിന്റെ സഹകരണത്തോടെ വിദ്യാർത്ഥികൾക്കായി വിവാഹപൂർവ കൗൺസലിംഗ് നടത്തി. പി.ജി ഓഡി​റ്റോറിയത്തിൽ നടന്ന പരിപാടി കോളേജ് പ്രിൻസിപ്പൾ ഡോ. ആർ അനിത ഉദ്ഘാടനം ചെയ്തു. സാമൂഹ്യ പ്രവർത്തകയും കൗൺസിലറുമായ സേതു പാർവതി ക്ലാസ് നയിച്ചു. സഖി സെന്റർ കേസ് വർക്കർ പവിഴം, കോളേജ് അസിസ്​റ്റന്റ് പ്രൊഫസർമാരായ ഡോ. വി മഞ്ജു, ഡോ. എ നിഷ, ഡോ. ജി അശ്വതി, വിദ്യാർഥികളായ അമൃത, ഫാത്തിമ എന്നിവർ പ്രസംഗിച്ചു.