ഭക്ഷണത്തിൽ കൃത്രിമ നിറം ചേർത്താൽ പണികിട്ടും

കോട്ടയം: ഭക്ഷണ,പാനീയങ്ങളിൽ കൃത്രിമ നിറം ഒഴിവാക്കി പ്രകൃതി ദത്ത നിറം ചേർക്കണമെന്ന് ഭക്ഷ്യ സുരക്ഷാ വകുപ്പ് നിലപാടെടുത്തതോടെ സ്വാഭാവിക നിറക്കൂട്ടുകൾക്ക് ഡിമാൻഡേറി. റൊഡാമിൻ ബി , അമരന്ത്, ഓറഞ്ച് 11,മെറ്റാനിൽ യെല്ലോ, മാലക്കെറ്റ് ഗ്രീൻ എന്നിവയാണ് ഭക്ഷ്യ സുരാക്ഷാ വകുപ്പ് നിരോധിച്ച കളർക്കൂട്ടുകൾ. വലിയ ആരോഗ്യ പ്രശ്നം ഉണ്ടാക്കുന്നവയാണ് ഈ കൃത്രിമകളറുകൾ,.

മഞ്ഞൾ, ബീറ്റ്റൂട്ട്, കാരറ്റ്, പതിമുകം തുടങ്ങിയവ നാടൻ നിറക്കൂട്ടുകൾക്ക് ഉപയോഗിക്കാൻ തുടങ്ങിയതോടെ വിലയും ഉയർന്നു. പതിമുഖം ദാഹശമിനിയായിട്ടായിരുന്നു വീടുകളിലും ഹോട്ടലുകളിലും ഉപയോഗിച്ചിരുന്നത്.. പതിമുഖത്തിന്റെ പുറം തൊലി ആന്റിബയോട്ടിക്കുകളാൽ സമ്പുഷ്ടമാണ്. ദഹനത്തിന് വളരെയധികം സഹായിക്കുമെന്നാണ് പറയുന്നത്.

കിലോയ്‌ക്ക് 150 രൂപയായിരുന്ന പതിമുകത്തിന്റെ വില 200-250 വരെയെത്തി. നിരവധി ആളുകൾ പതിമുകം നട്ടുവളർത്തിയിരുന്നെങ്കിലും വിപണി ഇല്ലാതായോതോടെ വെട്ടിക്കളഞ്ഞിരുന്നു. ഡിമാൻഡ് കൂടിയതോടെ കർഷകർ വീണ്ടും വെച്ചു പിടിപ്പിക്കാൻ തുടങ്ങി.

മല്ലിപ്പൊടി.മുളക് പൊടി തുടങ്ങിയവ ദീർഘകാലം കേടുകൂടാതിരിക്കാനും നിറം ലഭിക്കാനും സിന്തറ്റിക് ഉത്പ്പന്നങ്ങളും ഓട്,​ ഇഷ്ടിക പൊടി തുടങ്ങിയവ ചേർത്തിരുന്നു. പരിശോധന തുടങ്ങിയതോടെ സ്വാഭാവിക നിറക്കൂട്ടിലേക്ക് കറിപൊടി കമ്പനികൾ മാറിയെന്നാണ് വിവരം.

പ്രകൃതി ദത്ത നിറങ്ങളേ ഭക്ഷണ പാനീയങ്ങളിൽ ഉപയോഗിക്കാവൂ എന്ന നിയമം കർശനമാക്കിയത് നാട്ടുകാരുടെ ആരോഗ്യ സംരക്ഷണത്തിനു പുറമേ ക ർഷകർക്കും ഗുണകരമായി

എബി ഐപ്പ് ( ഭക്ഷ്യ ഉപദേശക വിജിലൻസ് സമിതി അംഗം )​