പരാക്രം ദിവസ് ആഘോഷിച്ചു

തലയോലപ്പറമ്പ് : ദേവസ്വം ബോർഡ് കോളേജ് എൻ.സി.സി യൂണി​റ്റിന്റെ ആഭിമുഖ്യത്തിൽ സുഭാഷ് ചന്ദ്രബോസിന്റെ ജന്മദിനം 'പരാക്രം ദിവസ്' ആഘോഷിച്ചു. നേതാജിയുടെ ജീവിതത്തെക്കുറിച്ചും സ്വാതന്ത്ര്യ സമരത്തിന് അദ്ദേഹം നൽകിയ സംഭാവനകളെ കുറിച്ചും കേഡ​റ്റുകൾ അനുസ്മരിച്ചു. സെമിനാറിൽ എൻ.സി.സി ഓഫീസർ ലെഫ്‌റ്റനന്റ് ഡോ. ജി ഹരി നാരായണൻ ക്ലാസ് എടുത്തു. ജൂനിയർ അണ്ടർ ഓഫീസർ അന്ന അജി, കമ്പനി ക്വാർട്ടർ മാസ്​റ്റർ സർജന്റ് നിഥിൻ കൃഷ്ണൻ, കേഡ​റ്റ് സർജന്റ് മേജർ അക്ഷര ഷാജി എന്നിവർ നേതൃത്വം നൽകി.