ഇ.എം.എസ്, എ.കെ.ജി അനുസ്മരണം നടത്തി

വൈക്കം: കമ്മ്യൂണിസ്​റ്റ് പാർട്ടി നേതാക്കളായിരുന്ന ഇ.എം.എസ്, എ.കെ.ജി എന്നിവരുടെ ചരമ വാർഷിക അനുസ്മരണത്തിന്റെ ഭാഗമായി സി.പി.ഐ. എം വൈക്കം ഏരിയ കമ്മി​റ്റിയുടെ നേതൃത്വത്തിൽ അനുസ്മരണ സമ്മേളനം നടത്തി. ഉദയനാപുരം നാനാടത്ത് നടന്ന അനുസ്മരണ സമ്മേളനം സി.പി.ഐ.എം കോട്ടയം ജില്ലാ സെക്രട്ടറി ടി.ആർ.രഘുനാഥൻ ഉദ്ഘാടനം ചെയ്തു. ഏരിയ കമ്മി​റ്റി അംഗം കെ എസ് ഗോപിനാഥൻ അധ്യക്ഷത വഹിച്ചു. സി.പി.ഐ.എം ജില്ലാ കമ്മി​റ്റി അംഗം അഡ്വ.കെ.കെ.രഞ്ജിത്ത്, ഏരിയ സെക്രട്ടറി പി.ശശിധരൻ, ഏരിയ കമ്മി​റ്റി അംഗങ്ങളായ ടി.ടി. സെബാസ്​റ്റ്യൻ, കെ.കെ. ശശികുമാർ, പി.വി. പുഷ്‌ക്കരൻ, കവിത റെജി, ഉദയനാപുരം വെസ്​റ്റ് ലോക്കൽ സെക്രട്ടറി വി.മോഹൻകുമാർ, ജില്ലാ പഞ്ചായത്ത് അംഗം ഹൈമി ബോബി, ഉദയനാപുരം പഞ്ചായത്ത് പ്രസിഡന്റ് പി.കെ.ആനന്ദവല്ലി എന്നിവർ പ്രസംഗിച്ചു.