ലഹരി വിരുദ്ധ ക്യാമ്പയിൻ

തലയോലപ്പറമ്പ് : എസ്.എൻ.ഡി.പി യോഗം 133-ാം നമ്പർ വടയാർ കിഴക്കേക്കര ശാഖയുടെ കീഴിലുള്ള കെ.ആർ നാരായണൻ സ്മാരക കുടുംബയൂണി​റ്റിന്റെ ആഭിമുഖ്യത്തിൽ ലഹരി വിരുദ്ധ ക്യാമ്പയിനും വിദ്യാർത്ഥികൾക്കുള്ള പഠനോപകരണ വിതരണവും നടത്തി. കോട്ടയം സ്‌പെഷ്യൽ ബ്രാഞ്ച് സബ് ഇൻസ്‌പെക്ടർ കെ. കണ്ണദാസ് ഉദ്ഘാടനം ചെയ്തു. ശാഖാ പ്രസിഡന്റ് എം.എസ്.സനൽകുമാർ അദ്ധ്യക്ഷത വഹിച്ചു. ശാഖാ സെക്രട്ടറി എൻ.ആർ.മനോജ്, കുടുംബ യൂണി​റ്റ് ചെയർമാൻ ടി. എൻ.അജികുമാർ, തലയോലപ്പറമ്പ് എ.എസ്.ഐ ജോസഫ്, കുടുംബ യൂണി​റ്റ് കൺവീനർ മിനി ഷാജി, ഒ.കെ.ഷാജി തുടങ്ങിയവർ പ്രസംഗിച്ചു.