മഴക്കാലപൂർവ ശുചീകരണം

കോട്ടയം : മണർകാട് ഗ്രാമപഞ്ചായത്തിന്റെ നേതൃത്വത്തിൽ മഴക്കാലപൂർവ ശുചീകരണം ആരംഭിച്ചു. ഇതിന്റെ ഭാഗമായി മണർകാട് കവലയിലൂടെ ഒഴുകുന്ന പൈനുങ്കൽ തോട് നവീകരണത്തിന്റെ ഉദ്ഘാടനം പഞ്ചായത്ത് പ്രസിഡന്റ് ജെസ്സി ഫിലിപ്പ് ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് കെ.കെ തോമസ് കുന്നേൽ, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്‌സൺ സോണിമോൾ ടി.കെ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ അഭിലാഷ് വി.ആർ, വാർഡ് മെമ്പർ അഡ്വ. ജോജി സി.ജോൺ തുടങ്ങിയവർ പങ്കെടുത്തു.