പ്രൊഫഷണൽ നാടകോത്സവം

വടകര : മേപ്പയിൽ ശ്രീനാരായണ കലാകേന്ദ്രം 32ാം വാർഷികാഘോഷത്തോടനുബന്ധിച്ച് സംഘടിപ്പിക്കുന്ന അഖില കേരള പ്രൊഫഷണൽ നാടകോത്സവം 17 മുതൽ 23 വരെ മേപ്പയിൽ നടക്കും. രാത്രി ഏഴിന് നാടകങ്ങൾ അരങ്ങേറും. ശ്രീനാരായണ കലാകേന്ദ്രത്തിലെ കലാകാരന്മാർ അവതരിപ്പിക്കുന്ന സ്നേഹ പൂക്കൾ നാടകവും അരങ്ങേറും. നാടക സംവിധായകൻ രാജീവൻ മമ്മിള്ളി ഉദ്ഘാടനം ചെയ്യും. നഗരസഭ വൈസ് ചെയർമാൻ പി.കെ.സതീശൻ അദ്ധ്യക്ഷത വഹിക്കും. സമാപനം 23ന് ഏഴിന് നാടകകൃത്ത് സുരേഷ് ബാബു ശ്രീസ്ഥ ഉദ്ഘാടനം ചെയ്യും. കലാകേന്ദ്രം പ്രസിഡന്റ് പി.കെ.നാരായണൻ അദ്ധ്യക്ഷത വഹിക്കും. വാർത്താസമ്മേളനത്തിൽ മേപ്പയിൽ ശ്രീനാരായണ കലാകേന്ദ്രം പ്രസിഡന്റ് പി.കെ.നാരായണൻ, സെക്രട്ടറി വി.പി.ദേവനാഥൻ, ഒ.പി. ദാസൻ, എം.കെ.ദാസൻ, കെ. പി. രതീശൻ എന്നിവർ പങ്കെടുത്തു.