എം.എൽ.എ സന്ദർശിച്ചു

മുക്കം: നഗരസഭയിലെ കുറ്റിപ്പാല - പമ്പ് ഹൗസ് - മാമ്പൊയിൽ റോഡിൽ സി.കെ കാസിം എം.എൽ.എ സന്ദർശനം നടത്തി.

എല്ലാവർക്കും ശുദ്ധജലമെത്തിക്കുക എന്ന ലക്ഷ്യത്തോടെയാരംഭിച്ച അമൃത് - 2 പദ്ധതിയുടെ ഭാഗമായി റോഡ് വെട്ടിപ്പൊളിച്ചതോടെ സുരക്ഷിതമായ യാത്രാമാർഗമില്ലാതെ നൂറിലധികം കുടുംബങ്ങൾ ദുരിതമനുഭവിക്കുന്ന പ്രദേശമാണിത്. കൊയിലാണ്ടി - എടവണ്ണ സംസ്ഥാന പാതയുമായി ബന്ധിപ്പിക്കുന്ന റോഡായതിനാൽ മെയിൻ റോഡിൽ എന്തെങ്കിലും തരത്തിൽ ഗതാഗത തടസ്സമുണ്ടായാൽ യാത്രക്കാർ ബൈപ്പാസായി ഉപയോഗിക്കുന്ന റോഡുകൂടിയാണിത്. എം.എൽ.എക്കൊപ്പം വാർഡ് കൗൺസിലർ സുഹറ വഹാബ്, യു.ഡി.എഫ് നേതാക്കളായ ഒ.കെ ബൈജു, ലെറിൻ റാഹത്ത് തുടങ്ങിയവരും ഉണ്ടായിരുന്നു