വന്യജീവി സംഘർഷത്തിന് പരിഹാരം തേടി കോൺക്ളേവ് പ്രതീക്ഷയിൽ മലയോര കർഷകർ

@മുൻഗണനാ പഞ്ചായത്തുകൾ കണ്ടെത്തി പ്രതിരോധം തീർക്കും

കോഴിക്കോട്/തിരുവമ്പാടി: കൃഷിയിടത്തിലിറങ്ങുന്ന വന്യമൃഗങ്ങളെ ഭയന്ന് ജീവിക്കേണ്ടിവരുന്ന കർഷകർക്ക് പ്രതീക്ഷ പകരുന്ന പ്രഖ്യാപനങ്ങളുമായി സർക്കാർ. വന്യജീവി ആക്രമണത്തിൽ ജീവൻ നഷ്ടപ്പെടുന്നവർക്കും കൃഷിനാശത്തിനുമുള്ള നഷ്ടപരിഹാരം ഇരട്ടിയാക്കുമെന്ന പ്രഖ്യാപനവും ശാസ്ത്രീയവും സാങ്കേതികവുമായ പ്രതിരോധ സംവിധാനം ഒരുക്കുമെന്ന ഉറപ്പുമാണ് തിരുവമ്പാടിയിൽ നടന്ന ‘കർഷക സുരക്ഷ–വന്യജീവി സംഘർഷ ലഘൂകരണം’ സംസ്ഥാനതല കോൺക്ലേവിലുണ്ടായത്. വനം, കൃഷി, റവന്യൂ വകുപ്പുകളുടെ ഇടപെടലിലൂടെ പ്രശ്നത്തിന് ശാശ്വത പരിഹാരം കാണുകയാണ് ലക്ഷ്യമെന്ന് മന്ത്രിമാരായ ഷിബു ബേബി ജോൺ, ടി സിദ്ദിഖ് എന്നിവ‌ർ വ്യക്തമാക്കി.

2024 മുതൽ 2026 ഓഗസ്റ്റ് വരെ ജില്ലയിൽ വന്യമൃഗങ്ങൾ ജനവാസമേഖലകളിലിറങ്ങിയതായി 1,276 സംഭവങ്ങളാണ് റിപ്പോർട്ട് ചെയ്തത്. മനുഷ്യജീവന് ഭീഷണിയാകുന്ന സംഭവങ്ങളുടെ എണ്ണത്തിൽ മറ്റ് ജില്ലകളെ അപേക്ഷിച്ച് കോഴിക്കോട് പിന്നിലാണെങ്കിലും കൃഷിനാശത്തിന്റെ തോത് കർഷകരെ ആശങ്കപ്പെടുത്തുന്നതാണ്. 2024 മുതൽ 2026 സെപ്തംബർ വരെ ജില്ലയിൽ മനുഷ്യ–വന്യജീവി സംഘർഷത്തിൽ നാലുപേർക്ക് ജീവൻ നഷ്ടമായി. കാട്ടുപോത്തിന്റെ ആക്രമണത്തിൽ രണ്ടുപേരും കാട്ടുപന്നിയുടെയും പാമ്പിന്റെയും ആക്രമണത്തിൽ ഒരാൾ വീതവുമാണ് മരിച്ചത്. ചക്കിട്ടപ്പാറ, കൂടരഞ്ഞി, കാവിലുംപാറ, കോടഞ്ചേരി, കൂരാച്ചുണ്ട്, തിരുവമ്പാടി, വാണിമേൽ, പുതുപ്പാടി, വളയം തുടങ്ങിയ പഞ്ചായത്തുകളാണ് പ്രധാന ഹോട്ട്‌സ്‌പോട്ടുകൾ.

മൾട്ടി ലയർ പ്രതിരോധമൊരുക്കും

നഷ്ടപരിഹാരത്തുക ഇരട്ടിയാക്കാനുള്ള തീരുമാനം കർഷകർക്ക് ആശ്വാസമാകും. കുരങ്ങ് ഉൾപ്പെടെയുള്ള വന്യജീവികൾ നശിപ്പിക്കുന്ന ഒരു തേങ്ങയ്ക്ക് 15 രൂപയും കൊക്കോ കൃഷിനാശത്തിന് തടമൊന്നിന് 30 രൂപയും നഷ്ടപരിഹാരം നൽകുമെന്നാണ് മന്ത്രി ഷിബു ബേബി ജോണിന്റെ പ്രഖ്യാപനം. നഷ്ടപരിഹാര വിതരണത്തിലെ കാലതാമസം ഒഴിവാക്കാൻ കർശന നടപടി സ്വീകരിക്കുമെന്നും വാഗ്ദാനമുണ്ട്.

സംഘർഷം നേരിടുന്നതിന് തടഞ്ഞുനിറുത്തൽ, ആഘാത ലഘൂകരണം, നഷ്ടപരിഹാരം എന്നീ മൂന്ന് തലങ്ങളിലായിരിക്കും സർക്കാർ ഇടപെടൽ. തീവ്ര സംഘർഷ മേഖലകളും 55 മുൻഗണനാ പഞ്ചായത്തുകളും കണ്ടെത്തി മൾട്ടി ലെയർ പ്രതിരോധ സംവിധാനമൊരുക്കും.

വനമേഖലയോട് ചേർന്ന് കഴിയുന്ന കർഷകർക്ക് അധികവരുമാനം ഉറപ്പാക്കാൻ ഇക്കോ ടൂറിസവുമായി ബന്ധപ്പെടുത്തി ഹോംസ്റ്റേ, ബാക്ക്പാക്കിംഗ് പദ്ധതികളും പരിഗണനയിലുണ്ട്. വന്യമൃഗങ്ങൾ നശിപ്പിക്കാത്ത വിളകളുടെ കൃഷിക്കും വിപണനത്തിനും പ്രോത്സാഹനം നൽകും. പരിസ്ഥിതി ലോല മേഖല സംബന്ധിച്ച ആശങ്കകൾക്കും പരിഹാരം കാണുമെന്ന് കൃഷിമന്ത്രി ഉറപ്പുനൽകി.

ഉപയോഗപ്പെടുത്തുന്ന സാങ്കേതിക വിദ്യകൾ

ആർട്ടിഫിഷ്യൽ ഇന്റലിജൻസ്,

റിമോട്ട് സെൻസിംഗ്,

ക്യാമറ അധിഷ്ഠിത നിരീക്ഷണം,

ഏർളി വാണിംഗ് സംവിധാനം,

ജിയോ ടാഗിംഗ്, ഡിജിറ്റൽ റിപ്പോർട്ടിംഗ്

ഭൂ​മി​ ​സം​ബ​ന്ധ​മാ​യ​ ​പ്ര​ശ്ന​ങ്ങൾ പ​രി​ഹ​രി​ക്കുമെന്ന് ​റ​വ​ന്യൂ​മ​ന്ത്രി

കോ​ഴി​ക്കോ​ട്:​ ​ജി​ല്ല​യി​ൽ​ ​വ​നം​–​റ​വ​ന്യൂ​ ​വ​കു​പ്പു​ക​ൾ​ ​ത​മ്മി​ലു​ള്ള​ ​ഭൂ​മി​ ​സം​ബ​ന്ധ​മാ​യ​ ​പ്ര​ശ്ന​ങ്ങ​ൾ​ ​അ​ടി​യ​ന്ത​ര​മാ​യി​ ​പ​രി​ഹ​രി​ക്കു​മെ​ന്ന് ​റ​വ​ന്യൂ​ ​മ​ന്ത്രി​ ​എ.​പി.​ ​അ​നി​ൽ​കു​മാ​ർ​ ​പ​റ​ഞ്ഞു.​ ​മ​നു​ഷ്യ​–​വ​ന്യ​ജീ​വി​ ​സം​ഘ​ർ​ഷം​ ​ല​ഘൂ​ക​രി​ക്കു​ന്ന​തി​നു​ള്ള​ ​പ്ര​വ​ർ​ത്ത​ന​ങ്ങ​ൾ​ക്ക് ​റ​വ​ന്യൂ​ ​വ​കു​പ്പി​ന്റെ​ ​എ​ല്ലാ​ ​പി​ന്തു​ണ​യും​ ​ഉ​ണ്ടാ​കും.​ ​വ​ന്യ​ജീ​വി​ ​ആ​ക്ര​മ​ണ​ങ്ങ​ൾ​ ​വ​ർ​ദ്ധി​ച്ചു​വ​രു​ന്ന​ ​സാ​ഹ​ച​ര്യ​ത്തി​ൽ​ ​കാ​ർ​ഷി​ക​ ​മേ​ഖ​ല​ ​ഏ​റെ​ ​പ്ര​തീ​ക്ഷ​യോ​ടെ​യാ​ണ് ​കോ​ൺ​ക്ലേ​വി​നെ​ ​കാ​ണു​ന്ന​ത്.​ ​മ​നു​ഷ്യ​–​വ​ന്യ​ജീ​വി​ ​സം​ഘ​ർ​ഷം​ ​മൂ​ലം​ ​ജീ​വ​ഹാ​നി​യും​ ​കൃ​ഷി​നാ​ശ​വും​ ​ഉ​ണ്ടാ​കാ​തി​രി​ക്കാ​ൻ​ ​സ​ർ​ക്കാ​ർ​ ​ശ​ക്ത​മാ​യ​ ​നി​ല​പാ​ട് ​സ്വീ​ക​രി​ക്കു​മെ​ന്നും​ ​മ​ന്ത്രി​ ​പ​റ​ഞ്ഞു.​ ​കാ​ർ​ഷി​ക​ ​മേ​ഖ​ല​യി​ലെ​ ​സ​മ​ഗ്ര​ ​സം​ഭാ​വ​ന​യ്ക്കു​ള്ള​ ​മി​ക​ച്ച​ ​ത​ദ്ദേ​ശ​ ​സ്വ​യം​ഭ​ര​ണ​ ​സ്ഥാ​പ​ന​ത്തി​നു​ള്ള​ ​സി.​ ​അ​ച്യു​ത​മേ​നോ​ൻ​ ​സ്മാ​ര​ക​ ​അ​വാ​ർ​ഡ് ​നേ​ടി​യ​ ​കൊ​ടു​വ​ള്ളി​ ​ബ്ലോ​ക്ക് ​പ​ഞ്ചാ​യ​ത്തി​നെ​ ​മ​ന്ത്രി​ ​എ.​പി.​ ​അ​നി​ൽ​കു​മാ​ർ​ ​ആ​ദ​രി​ച്ചു.