കർഷകരെ ആദരിച്ചു

കൊല്ലങ്കോട്: എലവഞ്ചേരി കൃഷിഭവന്റെയും പാടശേഖര സമിതികളുടെയും സംയുക്ത ആഭിമുഖ്യത്തിൽ കർഷകരെ ആദരിച്ചു. കേരള ബാങ്കിന്റെ ഏറ്റവും മികച്ച നെൽകർഷകനുള്ള അവാർഡ് ലഭിച്ച എസ്.ഷാബുമോൻ, എലവഞ്ചേരി പഞ്ചായത്തിൽ നിന്നും പച്ചക്കറി കൃഷി ചെയ്ത് കോടിപതിയായ ശിവദാസൻ,​ കേരള കാർഷിക സർവ്വകലാശാലയിൽ നിന്ന് കീടശാസ്ത്ര വിഭാഗത്തിൽ ഡോക്ടറേറ്റ് നേടിയ എലവഞ്ചേരി കൃഷി ഓഫീസർ ടി.നിമിഷ എന്നിവരെയാണ് ആദരിച്ചത്. കൃഷിഭവനിൽ നടന്ന പരിപാടിയിൽ പഞ്ചായത്ത് പ്രസിഡന്റ് കെ.മണികണ്ഠൻ മൂന്നു പേരെയും ആദരിച്ചു.