സംരംഭകരുടെ കൂട്ടായ്മ

വെച്ചൂച്ചിറ: താലൂക്ക് വ്യവസായ ഓഫീസിന്റെയും വെച്ചൂച്ചിറ പഞ്ചായത്തിന്റെയും ആഭിമുഖ്യത്തിൽ പഞ്ചായത്തിലെ സംരംഭകരുടെ കൂട്ടായ്മ നടത്തി. ഗ്രാമപഞ്ചായത്ത് വൈസ് പ്രസിഡന്റ് പൊന്നമ്മ ചാക്കോ അദ്ധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റ് ടി. കെ. ജയിംസ് ഉദ്ഘാടനംചെയ്തു. . റാന്നി ബ്ലോക്ക് വ്യവസായ വികസന ഓഫീസർ ലിജു ജെ. എൽ, പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർമാൻ ഇ. വി. വർക്കി, വാർഡ് മെമ്പർ രാജി വിജയകുമാർ എന്നിവർ സംസാരിച്ചു. . പത്തനംതിട്ട താലൂക്ക് വ്യവസായ ഓഫീസർ നിസാം എം., മുഖ്യ പ്രഭാഷണം നടത്തി. സംരംഭകനും മലയാളം ഇൻഡസ്ട്രിസ് സ്ഥാപകനുമായ ഫാ. തോമസ് എബ്രഹാമിനെ ആദരിച്ചു. എന്റർപ്രൈസ് എക്‌സിക്യൂട്ടീവ് എബിൻ സുരേഷ് നന്ദി പറഞ്ഞു.