നിലയ്ക്കലിൽ വാഹനാപകടം; ആറ് തീർത്ഥാടകർക്ക് പരിക്ക്

പമ്പ : നിലയ്ക്കലിൽ പാർക്കിംഗ് ഗ്രൗണ്ടിന് സമീപം കാറി​ലേക്ക് വാൻ ഇടി​ച്ചു കയറി​ ദർശനം കഴി​ഞ്ഞ് മടങ്ങി​യ ആറു ശബരി​മല തീർത്ഥാടകർക്ക് പരിക്കേറ്റു. കാറി​ൽ സഞ്ചരി​ച്ച തിരുവനന്തപുരം വെള്ളനാട് ചന്ദ്രവിലാസത്തി​ൽ സെൻ (19), കുളത്തുങ്കര വീട്ടിൽ അനിക്കുട്ടൻ (18), വിപിത ഭവനി​ൽ സായന്ത് (18), വൈകുണ്ഠത്തി​ൽ മിഥുൻ (19), വിളപ്പിൽശാല ചേവല്ലൂർ വിപിൻ (30), അനിരുദ്ധ് (8) എന്നിവർക്കാണ് പരിക്കേറ്റത്. നിലയ്ക്കൽ ആശുപത്രിയിലെ പ്രാഥമിക ചികിത്സകൾക്ക് ശേഷം പരി​ക്കേറ്റവരെ പത്തനംതിട്ട ജനറൽ ആശുപത്രി, തിരുവനന്തപുരം മെഡിക്കൽ കോളേജ് ആശുപത്രി​ എന്നി​വി​ടങ്ങളി​ലേക്ക് മാറ്റി. ഇന്നലെ രാവിലെ 10നായിരുന്നു അപകടം. പാർക്കിംഗ് ഗ്രൗണ്ടിൽ നിന്ന് പുറത്തേക്കുവന്ന വാൻ മുന്നി​ൽ സഞ്ചരി​ച്ച കാറിനുപിന്നിലേക്ക് ഇടിച്ചുകയറുകയായി​രുന്നു. നിയന്ത്രണം നഷ്ടമായ കാർ പ്ലാപ്പള്ളി - പമ്പ പാതയിലെ ക്രാഷ് ബാരിയറിൽ ഇടിച്ചു. വാനി​നും ക്രാഷ് ബാരിയറിനും ഇടയി​ലായി​ ഞെരിഞ്ഞമർന്ന നി​ലയി​ലായി​രുന്നു കാർ. പുറത്തിറങ്ങാനാവാതെ കാറി​നുള്ളിൽ യാത്രക്കാർ കുടുങ്ങി. ഫയർഫോഴ്സ് സേനാംഗങ്ങൾ 45 മിനിറ്റ് നടത്തിയ ശ്രമത്തെ തുടർന്നാണ് ആറുപേരെയും പുറത്തെടുത്തത്.