ഭക്തിയുടെ നിറവിൽ മെഴുവേലി ആനന്ദഭൂതേശ്വരത്ത് കൊടിയേറ്റ്

മെഴുവേലി : മെഴുവേലി ആനന്ദഭൂതേശ്വരം മഹാദേവർ ക്ഷേത്രത്തിലെ ശിവരാത്രി മഹോത്സവത്തി​ന് കൊടിയേറി. ദീപാരാധനയ്ക്ക് ശേഷം രാകേഷ് തന്ത്രിയുടെ മുഖ്യകാർമ്മികത്വത്തിലും മേൽശാന്തി ജിബിലാഷ് ശാന്തിയുടെ സഹകാർമ്മികത്വത്തിലുമായിരുന്നു കൊടിയേറ്റ്. കൊടിയേറ്റ് സദ്യ, പറവഴിപാട്, തിരുവാതിര, ഭരതനാട്യം, പഞ്ചാരിമേളം, നൃത്താർച്ചന, നെയ്യാട്ട്, ശിവരാത്രി അർദ്ധയാമ പൂജകൾ എന്നിവ നടന്നു. ഇന്ന് ഉത്സവ പൂജകൾക്ക് ശേഷം വൈകിട്ട് 5ന് ഭരതനാട്യം, 6.45ന് ദീപാരാധന, ഭഗവത് ദീപക്കാഴ്ച, ചുറ്റുവിളക്ക്, എസ്.എൻ.ഡി.പി യോഗം ചെങ്ങന്നൂർ യൂണിയൻ അഡ്മിനിസ്ട്രേറ്റർ സുരേഷ് പരമേശ്വരന്റെ പ്രഭാഷണം, 8.30ന് നാടകം. 28ന് പതിവ് പൂജകൾക്ക് ശേഷം വൈകിട്ട് 6 ന് ഭഗവതി സേവ, 6.30 ന് നൃത്തസന്ധ്യ, രാത്രി 8ന് മേജർസെറ്റ് കഥകളി.