പുസ്തക പ്രകാശനം

തിരുവല്ല : മോർ മൽക്കെയുടെ ഓർമ്മപ്പെരുന്നാൾ ദിനമായ ഇന്നലെ സെന്റ് മൽക്ക് ഓർത്തഡോക്സ് പള്ളിയിൽ ‘തുർ–അബ്ദീനിലെ തപോധനൻ’ എന്ന ഗ്രന്ഥം കൊട്ടാരക്കര – പുനലൂർ ഭദ്രാസനാധിപൻ ഡോ.യൂഹാനോൻ മാർ തേവോദോറോസ് മെത്രാപ്പൊലീത്ത ഫാ.ഉമ്മൻ കെ.എബ്രഹമിന് നൽകി പ്രകാശനം ചെയ്തു. നാലാം നൂറ്റാണ്ടിൽ ജീവിച്ചിരുന്ന ഉത്തമ സന്യാസിയായ മോർ മൽക്കെ പിതാവിന്റെ സമഗ്ര ജീവചരിത്രമാണ് മണലിൽ ഷൈബ അന്ന കോശി രചിച്ച ഈ ഗ്രന്ഥം. മഷിക്കൂട്ട് ഇംപ്രിന്റ്സാണ് പുസ്തകം പ്രസിദ്ധീകരിച്ചിരിക്കുന്നത്.