ചട്ടമ്പിസ്വാമി പാർക്ക് ഉദ്ഘാടനം

തിരുവനന്തപുരം: ശ്രീകണ്ഠേശ്വരത്തെ നവീകരിച്ച ചട്ടമ്പിസ്വാമി പാർക്ക് നഗരസഭ ടൗൺ പ്ലാനിംഗ് സ്റ്റാൻഡിംഗ് കമ്മിറ്റി ചെയർപേഴ്സൺ സി.എസ്.സുജാദേവി ഉദ്ഘാടനം ചെയ്തു. ശ്രീകണ്ഠേശ്വരം പാർക്കിന് മുമ്പിൽ സ്ഥിതി ചെയ്യുന്ന ചട്ടമ്പിസ്വാമിയുടെ പാർക്ക് നഗരസഭയുടെ ഫണ്ടിൽ നിന്ന് 49 ലക്ഷം രൂപ ചെലവഴിച്ചാണ് നവീകരിച്ചത്. ചട്ടമ്പിസ്വാമിയുടെ പ്രതിമ,​ ഓപ്പൺ സ്റ്റേജ്,​ പൂന്തോട്ടം, വാട്ടർ ഫൗണ്ടൻ,​ ഇരിപ്പിടം, ഓഫീസ്,​ വൈദ്യുതി ദീപാലങ്കാരം എന്നിവ സജ്ജീകരിച്ചിട്ടുണ്ട്. പാൽക്കുളങ്ങര കൗൺസിലർ പി.അശോക്‌ കുമാർ അദ്ധ്യക്ഷത വഹിച്ച ചടങ്ങിൽ നെടുങ്കാട് കൗൺസിലർ കരമന അജിത്ത്, ശ്രീകണ്ഠേശ്വരം കൗൺസിലർ പി.രാജേന്ദ്രൻ നായർ, സാജു വേണുഗോപാൽ തുടങ്ങിയവർ പങ്കെടുത്തു.

ഫോട്ടോ: ചട്ടമ്പിസ്വാമി പാർക്ക് നഗരസഭ ടൗൺ പ്ലാനിംഗ് സ്റ്റാൻഡിംഗ് കമ്മിറ്റി ചെയർപേഴ്സൺ സി.എസ്.സുജാദേവി ഉദ്ഘാടനം ചെയ്യുന്നു