ഏരിയാ കൺവെൻഷൻ

ആറ്റിങ്ങൽ:ആശാവർക്കർമാരുടെ ഓണറേറിയം 15,000 രൂപയായി ഉയർത്തണമെന്നും,ശൈലി ആപ്പിന്റെ സമയപരിധി ഉയർത്തണമെന്നും ആശാ വർക്കേഴ്സ് യൂണിയൻ (സി.ഐ.ടി.യു) ആറ്റിങ്ങൽ ഏരിയാ കൺവെൻഷൻ ആവശ്യപ്പെട്ടു.കൺവെൻഷൻ സി.ഐ.ടി.യു സംസ്ഥാന കമ്മിറ്റിയംഗം ആർ.സുഭാഷ് ഉദ്ഘാടനം ചെയ്തു.രജി അദ്ധ്യക്ഷത വഹിച്ചു.അഞ്ചുതെങ്ങ് സുരേന്ദ്രൻ,എം.മുരളി,യൂണിയൻ നേതാക്കളായ സജി,ശ്രീജ,അനുസൂയ,ഒ.എസ്.ആശ എന്നിവർ പങ്കെടുത്തു.ഭാരവാഹികളായി അനുസൂയ (പ്രസിഡന്റ്),രജി,അന്നമേരി ജോൺസൻ (വൈസ് പ്രസിഡന്റുമാർ),ഒ.എസ്.ആശ (സെക്രട്ടറി),ഷെഫീറ,ഹൈമ (ജോ.സെക്രട്ടറി) എന്നിവരെ തിരഞ്ഞെടുത്തു.