ഫിറ്റ്ഇന്ത്യ പ്രോഗ്രാം

കഴക്കൂട്ടം: കഴക്കൂട്ടം ഫെഡറേഷൻ ഒഫ് റസിഡന്റ്സ് അസോസിയേഷൻസിന്റെ സഹകരണത്തോടെ സായി കാര്യവട്ടം എൽ.എൻ.സി.പിയിൽ ഫിറ്റ് ഇന്ത്യ പ്രോഗ്രാം സംഘടിപ്പിച്ചു.ജനങ്ങളിൽ കായിക ക്ഷമതയും ആരോഗ്യവും നൽകുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.

കുരുന്നുകൾ മുതൽ 80വയസുകാർ വരെ പങ്കെടുത്തു.കൂട്ടയോട്ട മത്സരം,​മെഡിക്കൽ ക്യാമ്പ്,യോഗ,വടംവലി,ആരോഗ്യ ശില്പശാല,​ജീവിതശൈലി രോഗങ്ങളെ നേരിടുന്നതിനെക്കുറിച്ചുള്ള ക്ലാസുകൾ എന്നിവ ഏകദിന ക്യാമ്പിൽ നടന്നു. എൽ.എൻ.സി.പി പ്രിൻസിപ്പൽ ഡോ.ജി.കിഷോർ നേതൃത്വം നൽകി.വൈകുന്നേരം നടന്ന സമാപനം കടകംപള്ളി സുരേന്ദ്രൻ എം.എൽ.എ ഉദ്ഘാടനം ചെയ്തു.