വെഞ്ഞാറമൂട് സിഗ്നൽ ലൈറ്റ് അണഞ്ഞുതന്നെ

വെഞ്ഞാറമൂട്: വെഞ്ഞാറമൂട് ട്രാ​ഫി​ക്ക് സി​ഗ്ന​ൽ ലൈ​റ്റിംഗ് സം​വി​ധാ​നം പ്രവർത്തന രഹിതമായിട്ട് ഒരു പതിറ്റാണ്ട് കഴിയുന്നു. 2012ൽ ​സ്ഥാ​പി​ച്ച സോ​ളാ​ർ പ​വേ​ർഡ് സി​ഗ്ന​ൽ ലൈ​റ്റു​ക​ളാ​ണ് ഉ​പ​യോ​ഗ​ശൂ​ന്യ​മായി കിടക്കുന്നത്. കെൽട്രോൺ കരാറെടുത്ത് കെ.എസ്.ടി.പി 12 ല​ക്ഷ​ത്തോ​ളം രൂ​പ​ ചെലവിട്ടാണ് സിഗ്നൽ ലൈറ്റുകൾ സ്ഥാപിച്ചത്. പ്ര​വ​ർ​ത്ത​നം ആ​രം​ഭി​ച്ചെങ്കിലും ഒ​രു മ​ണി​ക്കൂ​റി​നു​ള്ളി​ൽ ത​ക​രാ​ർ സം​ഭ​വി​ച്ച് പ്ര​വ​ർത്ത​നം നി​ല​ച്ചു. എ​ന്നാൽ, അ​ന്ന് കേ​ടാ​യ സിഗ്നൽലൈറ്റ് വർഷങ്ങൾ ക​ഴി​ഞ്ഞി​ട്ടും ശ​രി​യാ​ക്കി പ്ര​വൃ​ത്തി​പ്പി​ക്കാൻ കെ​ൽ​ട്രോ​ണോ കെ.​എ​സ്.​ടി.​പി​യോ മുതിർന്നില്ല. ആറ്റിങ്ങൽ - നെടുമങ്ങാട് - കിളിമാനൂർ - തിരുവനന്തപുരം ഭാഗത്ത് നിന്നും വരുന്ന റോഡുകൾ സന്ധിക്കുന്ന ജംഗ്ഷനാണ് വെഞ്ഞാറമൂട്. പ്രൈവറ്റ് ബസ് സ്റ്റാൻഡ് ഇല്ലാത്തതുകൊണ്ട് ബസുകൾ ഈ ജംഗ്ഷനിലാണ് യുടേൺ എടുത്ത് തിരിയുന്നതും. കെ.എസ്.ആർ.ടി.സി സ്റ്റാൻഡിൽ നിന്നും ബസിറങ്ങി വരുന്നതും കൂടുതൽ ഗതാഗതക്കുരുക്കിന് കാരണമാകുന്നു. സിഗ്നൽലൈറ്റ് ഇല്ലാത്തതിനാൽ നിലവിൽ ഗതാഗതക്കുരുക്ക് പരിഹരിക്കാൻ പൊരിവെയിലത്തും മഴയത്തും പൊലീസുകാരാണ് നിൽക്കുന്നത്. അടിയന്തരമായി സിഗ്നൽലൈറ്റുകൾ പ്രവർത്തിപ്പിച്ച് ഗതാഗതക്കുരുക്കിന് അറുതിവരുത്തണമെന്ന് നാട്ടുകാർ ആവശ്യപ്പെട്ടു.