48 കിലോ കഞ്ചാവുമായി യുവതിയടക്കം നാലുപേർ പിടിയിൽ

ബാലരാമപുരം: 48 കിലോ കഞ്ചാവുമായി ഒരു യുവതിയടക്കം നാലുപേരെ നരുവാമൂട് പൊലീസ് പിടികൂടി.ഇന്നലെ രാവിലെ 10ഓടെ പാരൂർക്കുഴിയിൽ സ്വകാര്യവ്യക്തിയുടെ വാടക വീട്ടിലാണ് സംഭവം.വീട്ടിൽ പാർക്ക് ചെയ്തിരുന്ന കാറിന്റെ പിറകിലത്തെ സീറ്റിൽ ഒളിപ്പിച്ച നിലയിലായിരുന്നു കഞ്ചാവ്.

നേമം സ്വദേശികളായ ഷാനവാസ് (35)​,​റഫീക്ക് (31)​,​പൂവച്ചൽ സ്വദേശി അനസ് (35)​,​പേയാട് സ്വദേശി റിയ സ്വീറ്റി (44)​ എന്നിവരാണ് പിടിയിലായത്.പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ എസ്.ഐ വിൻസെന്റ്,​ എസ്.സി.പി.ഒ സജിത്ത് ലാൽ,​വിനീഷ്,​സനൽ,​എ.എസ്.ഐ ഷിബു എന്നിവരുടെ നേതൃത്വത്തിലാണ് പിടികൂടിയത്.