കർക്കടക വാവ്: വർക്കലയിൽ ഗതാഗത നിയന്ത്രണം

വർക്കല: കർക്കടക വാവ് ബലിയോടനുബന്ധിച്ച് വർക്കല ഭാഗത്ത് ഗതാഗത നിയന്ത്രണം ഏർപ്പെടുത്തി. കാപ്പിൽ ഭാഗത്ത് നിന്നും വരുന്ന ബസ് ഒഴികെയുള്ള വാഹനങ്ങൾ ഇടവ പ്രസ് മൂക്കിൽ നിന്നും വലത്തേക്ക് തിരിഞ്ഞ് ശ്രീയേറ്റ് മാന്തറ, അഞ്ചുമുക്ക് വഴിയും, ബസുകൾ ഇടവ മൂന്ന്‌മുല, സംഘംമുക്ക്,അഞ്ച്‌മുക്ക് വഴിയും വർക്കല ക്ഷേത്രം ഭാഗത്തേക്ക് പോകേണ്ടതാണ്. പുത്തൻ ചന്ത, പാലച്ചിറ ഭാഗത്ത് നിന്നും വരുന്ന ബസുകൾ പുത്തൻചന്ത,മൈതാനം,റെയിൽവേ സ്റ്റേഷൻ,പുന്നമൂട്, കൈരളി നഗർ വഴി വർക്കല ക്ഷേത്രം ഭാഗത്തേക്ക് പോകേണ്ടതാണ്. ബസ് ഒഴികെയുള്ള വാഹനങ്ങൾ നിർദ്ദിഷ്ട പാർക്കിംഗ് സ്ഥലങ്ങളിൽ പാർക്ക് ചെയ്യണം. കടയ്ക്കാവൂർ ഭാഗത്തേക്ക് തിരികെ പോകേണ്ട വാഹനങ്ങൾ ആൽത്തറമൂട്,മൈതാനം,പുത്തൻചന്ത വഴിയും കല്ലമ്പലം ഭാഗത്തേക്ക് തിരികെ പോകേണ്ടവ ആൽത്തറമൂട് മൈതാനം,പുത്തൻചന്ത പാലച്ചിറ വഴിയും കാപ്പിൽ ഭാഗത്തേക്ക് തിരികെ പോകേണ്ട വാഹനങ്ങൾ ആൽത്തറമൂട്,മൈതാനം,പുന്നമൂട്,ജനതാമുക്ക് വഴിയും പോകേണ്ടതാണ്.പാരിപ്പള്ളി ഭാഗത്ത് നിന്നും വരുന്ന വാഹങ്ങൾ ആശാൻ മുക്ക് തിരിഞ്ഞു പനയറ,തച്ചോട്,വട്ടപ്ലമൂട് വഴി പാലച്ചിറ വന്നു മൈതാനം ഭാഗത്തേക്ക് വരേണ്ടതാണ്.നടയറ,അയിരൂർ ഭാഗത്തേക്ക് തിരികെ പോകേണ്ട വാഹനങ്ങൾ ആൽത്തറമൂട്,മൈതാനം,പാലച്ചിറ,എസ്.എൻ കോളേജ്,നടയറ വഴി തിരികെ പോകേണ്ടതാണ്. ഊന്നിൻമൂട് അയിരൂർ ഭാഗത്ത് നിന്നും വരുന്ന വാഹങ്ങൾ നടയറ തിരിഞ്ഞു എസ്.എൻ കോളേജ് വട്ടപ്ലാമൂട് പാലച്ചിറ വഴി മൈതാനം ഭാഗത്തു വരണം.കിളിത്തട്ട് മുക്ക് ഭാഗത്ത് നിന്നും ആൽത്തറമൂട് ഭാഗത്തേക്കും,ആൽത്തറമൂട്ടിൽ നിന്നും കൈരളി നഗർ ഭാഗത്തേക്കും യാതൊരു വാഹനങ്ങളും അനുവദിക്കുന്നതല്ല.

പാർക്കിംഗ് സ്ഥലങ്ങൾ:

ഹെലിപാഡ് (ഫോർ വീലർ, ടൂ വീലർ ),നന്ദാവനം പാർക്കിങ്ങ് (ഫോർ വീലർ, ടൂ വീലർ)

പെരുംകുളം (ടൂ വീലർ),നടക്കാമുക്ക് (ഫോർ വീലർ, ടൂ വീലർ),ധന്യ സൂപ്പർ മാർക്കറ്റിന് സമീപം (ടൂ വീലർ) ഷാ വെഡിംഗ് സെന്റർ (ടു വീലർ),റെയിൽവേസ്റ്റേഷന് സമീപം ശ്രീകൃഷ്ണ സ്വാമിക്ഷേത്ര പരിസരം (ഫോർ വീലർ, ടൂ വീലർ),മുൻസിപ്പൽ ബസ് സ്റ്റാൻഡ് (എല്ലാ വാഹനങ്ങളും),ഗവൺമെന്റ് ഐ.ടി.ഐ പുന്നമൂട്(ടു വീലർ),എസ്.എൻ കോളേജ് (എല്ലാ വാഹനങ്ങളും),എസ്.എൻ സെൻട്രൽ സ്കൂൾ (എല്ലാ വാഹനങ്ങളും),എസ്.എൻ നഴ്സിംഗ് കോളേജ് -എതിർവശം (ഫോർ വീലർ,ടൂ വീലർ).