ടീമിന് ഉജ്ജ്വല സ്വീകരണം ഇന്ന്

തൃശൂർ: സംസ്ഥാന സ്‌കൂൾ കലോത്സവത്തിൽ സ്വർണക്കപ്പ് കരസ്ഥമാക്കിയ ജില്ലാ ടീമിന് ഇന്ന് സ്വീകരണം. രാവിലെ ഒമ്പതു മണിക്ക് കൊരട്ടിയിൽ സ്വീകരിക്കും. തുടർന്ന് 9.45 ന് ചാലക്കുടി, 10.30 ന് പുതുക്കാട്, 11 ന് ഒല്ലൂർ എന്നിവിടങ്ങളിൽ സ്വീകരണം നൽകും. 11.30ന് മോഡൽ ഗേൾസ് സ്‌കൂൾ കേന്ദ്രീകരിച്ച് ഘോഷയാത്രയായി തൃശൂർ ടൗൺ ഹാളലേക്ക് ആനയിക്കും. ടൗൺ ഹാളിൽ സ്വീകരണ സമ്മേളനം ചേരും. സ്വീകരണ കേന്ദ്രങ്ങളിൽ മന്ത്രിമാർ ഉൾപ്പെടെയുള്ള ജനപ്രതിനിധികൾ, സാംസ്‌കാരിക പ്രവർത്തകർ, വിദ്യാർത്ഥികൾ, അദ്ധ്യാപകർ, രക്ഷകർത്താക്കൾ എന്നിവർ പങ്കെടുക്കും.

ഇന്ന് വിജയദിനം

ഇന്ന് ജില്ലയിലെ മുഴുവൻ വിദ്യാലയങ്ങളും വിജയദിനമായി ആചരിക്കണമെന്ന് ജില്ലാ വിദ്യാഭ്യാസ ഉപഡയറക്ടർ എ. കെ. അജിത കുമാരി അറിയിച്ചു