ഉമ്മൻചാണ്ടി ചുവപ്പു നാടകൾ ഒഴിവാക്കിയ ഭരണാധികാരി : വി.കെ. ശ്രീകണ്ഠൻ എം.പി

തൃശൂർ: ജനക്ഷേമത്തിന് തടസം സൃഷ്ടിക്കുന്ന ചുവപ്പുനടകൾ ഒഴിവാക്കുന്നത് ഉൾപ്പെടെ എന്തും ചെയ്യാൻ തയ്യാറായ ഭരണാധികാരിയായിരുന്നു ഉമ്മൻചാണ്ടിയെന്ന് വി.കെ. ശ്രീകണ്ഠൻ എം.പി . ഉമ്മൻചാണ്ടിയുടെ രണ്ടാം ചരമവാർഷികത്തോടനുബന്ധിച്ച് ഡി.സി.സിയിൽ പ്രത്യേകം തയ്യാറാക്കിയ സ്മൃതി മണ്ഡപത്തിൽ പുഷ്പാർച്ചന നടത്തിയതിനുശേഷം നടന്ന അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഉമ്മൻചാണ്ടിയുടെ ഛായാ ചിത്രത്തിൽ മുൻ സ്പീക്കർ തേറമ്പിൽ രാമകൃഷ്ണൻ ദീപം തെളിച്ചു. ഡി.സി.സി പ്രസിഡന്റ് അഡ്വ. ജോസഫ് ടാജറ്റ് അദ്ധ്യക്ഷത വഹിച്ചു. മുതിർന്ന മാദ്ധ്യമപ്രവർത്തകൻ ജോർജ് പുളിക്കൻ അനുസ്മരണ പ്രഭാഷണം നടത്തി. ഒ.അബ്ദുറഹ്മാൻകുട്ടി, എം.പി. വിൻസെന്റ്, ജോസ് വള്ളൂർ, ടി.വി. ചന്ദ്രമോഹൻ, ജോസഫ് ചാലിശ്ശേരി, കെ. കെ. കൊച്ചുമുഹമ്മദ് തുടങ്ങിയവർ പങ്കെടുത്തു.