ഇലഞ്ഞിത്തറയിൽ വീണ്ടും കിഴക്കൂട്ട്

തൃശൂർ: 2027 തൃശൂർ പൂരത്തിന് പാറമേക്കാവ് വിഭാഗത്തിന്റെ ഇലഞ്ഞിത്തറമേള പ്രമാണിയായി കിഴക്കൂട്ട് അനിയൻ മാരാരെ തന്നെ പാറമേക്കാവ് ഭരണസമിതി നിശ്ചയിച്ചു. ഇന്നലെ ചേർന്ന ഭരണസമിതി യോഗത്തിലാണ് വാദ്യകലാകാരന്മാരുടെ നിരയെ സംബന്ധിച്ച് അന്തിമ തീരുമാനമായത്. ഇലഞ്ഞിത്തറ മേളത്തിൽ പെരുവനം ഗോപാലകൃഷ്ണൻ (മേളം/വീക്കം), ചേർപ്പ് നന്ദൻ (ഇലത്താളം), മച്ചാട് രാമചന്ദ്രൻ (കൊമ്പ്), കിഴക്കൂട്ട് നന്ദൻ (കുഴൽ) എന്നിവർ പ്രമാണികളാകും. പഞ്ചവാദ്യത്തിൽ ചോറ്റാനിക്കര നന്ദപ്പൻ മാരാർ (തിമില), കലാമണ്ഡലം കുട്ടിനാരായണൻ (മദ്ദളം), പരക്കാട് ബാബു (ഇലത്താളം), മച്ചാട് രാമചന്ദ്രൻ (കൊമ്പ്), തിരുവില്വാമല ജയൻ (ഇടയ്ക്ക) എന്നിവരാണ് പ്രമാണിമാർ. പാറമേക്കാവ് വേല 2027 ജനുവരി എട്ടിനാണ്. പത്താമുദയ ദിനമായ ഡിസംബർ 26ന് കോമരം തുള്ളി ഔദ്യോഗികമായി വേല കുറിക്കും. പ്രസിഡന്റ് ഡോ. എ.ബാലഗോപാൽ, സെക്രട്ടറി ജി.രാജേഷ് എന്നിവരുടെ നേതൃത്വത്തിലാണ് യോഗം തീരുമാനമെടുത്തത്.