സഞ്ജു ക്യാപ്റ്റൻ സ്ഥാനത്തേക്ക്,​ ഉപദേഷ്ടാവായി 'തല';​​​​ മുംബയ് വിട്ട് ഹാർദിക്കും ചെന്നൈയിലേക്ക്?

ചെന്നൈ: ഐപിഎൽ അടുത്ത സീസണിന്റെ ചർച്ചകൾ സജീവമാകുകയാണ്. അഞ്ച് തവണ ചാമ്പ്യന്മാരായ ചെന്നൈ സൂപ്പർ കിംഗ്സ് ടീമിൽ അഴിച്ചുപണി തുടങ്ങിയതായാണ് റിപ്പോർട്ടുകൾ സൂചിപ്പിക്കുന്നത്. കഴിഞ്ഞ സീസണിലെ നിരാശാജനകമായ പ്രകടനത്തിന് പിന്നാലെയാണ് വമ്പൻ മാറ്റങ്ങൾ വരുത്താൻ ടീം തയ്യാറെടുക്കുന്നത്. 2023ലെ ഐപിഎൽ കപ്പ് ജേതാക്കളായ ചെന്നൈക്ക് കഴിഞ്ഞ സീസണിൽ മികച്ച പ്രകടനം കാഴ്ചവയ്ക്കാൻ കഴിഞ്ഞിരുന്നില്ല.

മാറ്റങ്ങളുടെ ആദ്യഘട്ടമായി സ്റ്റീഫൻ ഫ്ലെമിംഗിനെ പരിശീലക സ്ഥാനത്തുനിന്ന് സിഎസ്കെ മാറ്റിയിരുന്നു. പകരക്കാരനായി മെെക്കൽ ഹസിയെ കൊണ്ടുവരാനണ് ടീം മനേജ്മെന്റ് പദ്ധതിയിടുന്നത്. നായകസ്ഥാനം മലയാളി താരം സഞ്ജു സാംസണിലേക്ക് എത്തുമെന്ന സൂചനകളാണ് പുറത്തുവരുന്നത്. കഴിഞ്ഞ സീസണിലെ ടീമിന്റെ മോശം പ്രകടനത്തെത്തുടർന്ന് നിലവിലെ ക്യാപ്റ്റനായ റുതുരാജ് ഗെയ്ക്‌വാദിനെ മാറ്റാനാണ് സാദ്ധ്യത.

അടുത്ത സീസണിൽ ചെന്നൈക്ക് വേണ്ടി ധോണി കളിക്കളത്തിൽ ഉണ്ടാകുമോ എന്നതാണ് ആരാധകർ ഉന്നയിക്കുന്ന മറ്റൊരു ചോദ്യം. അതിനുത്തരമായി ടീമിന്റെ ഉപദേഷ്ടാവ് എന്ന പദവിയിലേക്ക് എം എസ് ധോണി എത്തുമെന്നാണ് സൂചന. പേസറും ഓൾ റൗണ്ടറുമായ ഹാർദിക്കിനെ ചെന്നൈയിലേക്ക് കൊണ്ടുവരുന്നതിനെ പറ്റിയും അഭ്യൂഹങ്ങൾ ശക്തമാണ്.