രാജീവ് ചന്ദ്രശേഖറും തുഷാറും കൂടിക്കാഴ്ച നടത്തി

ആലപ്പുഴ: ബി.ജെ.പി സംസ്ഥാന അദ്ധ്യക്ഷനും എൻ.ഡി.എ ചെയർമാനുമായ രാജീവ് ചന്ദ്രശേഖറുമായി, എൻ.ഡി.എ കൺവീനറും ബി.ഡി.ജെ.എസ് സംസ്ഥാന അദ്ധ്യക്ഷനുമായ തുഷാർ വെള്ളാപ്പള്ളി കൂടിക്കാഴ്ച നടത്തി. കേരളത്തിലെ രാഷ്ട്രീയ സാഹചര്യങ്ങളും എൻ.ഡി.എയുടെ സംഘടനാ പ്രവർത്തനങ്ങളും വരാനിരിക്കുന്ന രാഷ്ട്രീയ പ്രവർത്തനങ്ങളുടെ ഏകോപനവും സംബന്ധിച്ച് കൂടിക്കാഴ്ചയിൽ വിശദമായ ചർച്ച നടന്നു. ബി.ഡി.ജെ.എസ് സംസ്ഥാന ഉപാധ്യക്ഷൻ അഡ്വ. സിനിൽ മുണ്ടപ്പള്ളി, സംസ്ഥാന ജനറൽ സെക്രട്ടറി അഡ്വ.പി.എസ്. ജ്യോതിസ് എന്നിവരും പങ്കെടുത്തു. കേരളത്തിൽ എൻ.ഡി.എയുടെ അടിത്തറ കൂടുതൽ ശക്തിപ്പെടുത്തുന്നതിനും ജനകീയ വിഷയങ്ങൾ ഏറ്റെടുത്ത് മുന്നോട്ടുപോകുന്നതിന് കൂടിക്കാഴ്ച ഊർജ്ജമാകും.