ഓണം സ്‌പെഷ്യൽ ട്രെയിനിന് കരുനാഗപ്പള്ളിയിലും കായംകുളത്തും സ്റ്റോപ്പ്

തിരുവനന്തപുരം: ഓണത്തോടനുബന്ധിച്ച് യാത്രക്കാരുടെ തിരക്ക് പരിഗണിച്ച് എസ്.എം.വി.ടി ബംഗളൂരു-തിരുവനന്തപുരം നോർത്ത് റൂട്ടിൽ അനുവദിച്ച അധിക ഓണം സ്‌പെഷ്യൽ ട്രെയിനിന് കരുനാഗപ്പള്ളിയിലും,കായംകുളത്തും സ്റ്റോപ്പ് അനുവദിച്ചതായി കെ.സി വേണഗോപാൽ എം.പി അറിയിച്ചു.എസ്.എം.വി.ടി ബംഗളൂരു-തിരുവനന്തപുരം നോർത്ത് 20 ന് പുറപ്പെട്ട് 21 ന് തിരുവനന്തപുരത്ത് എത്തും വിധവും തിരികെയുള്ള 22 ന് തിരുവനന്തപുരത്ത് നിന്ന് പുറപ്പെട്ട് 23ന് ബംഗളൂരു എത്തും വിധവുമാണ് ക്രമീകരിച്ചിരിക്കുന്നത്.അധിക സർവീസ് അനുവദിച്ചത് കേരളത്തിലെ യാത്രക്കാർക്ക് വലിയ ആശ്വാസമാകും.