കെ.കെ മനോജ് കുമാർ അനുസ്മരണം

മാഹി: ബ്ലോക്ക് കോൺഗ്രസ് പ്രവർത്തക സമിതി അംഗവും ഈസ്റ്റ് പള്ളൂരിലെ സാമൂഹിക സംസ്‌കാരിക പ്രവർത്തകനുമായിരുന്ന കെ.കെ മനോജ് കുമാറിന്റെ മൂന്നാം ചരമ വർഷികദിനം ഒൻപതാം വാർഡ് കോൺഗ്രസ് കമ്മിറ്റി ആചരിച്ചു. കാലത്ത് സ്മൃതി മണ്ഡപത്തിൽ പ്രവർത്തകർ പുഷ്പാർച്ചന നടത്തി. അനുസ്മരണ യോഗത്തിൽ വാർഡ് കോൺഗ്രസ് പ്രസിഡന്റ് പദ്മാലയം പദ്മനാഭൻ അദ്ധ്യക്ഷത വഹിച്ചു. മാഹി ബ്ലോക്ക് കോൺഗ്രസ് പ്രസിഡന്റ് കെ. മോഹനൻ അനുസ്മരണ ചടങ്ങ് ഉദ്ഘാടനം ചെയ്തു. മുൻ മാഹി നഗരസഭ ഉപാദ്ധ്യക്ഷൻ പി.പി വിനോദ് മുഖ്യപ്രഭാഷണം നടത്തി. മാഹി ബ്ലോക്ക് ജനറൽ സെക്രട്ടറിമാരായ കെ. ഹരീന്ദ്രൻ, കെ. സുരേഷ്, പുതുച്ചേരി സംസ്ഥാന യൂത്ത് കോൺഗ്രസ് ജനറൽ സെക്രട്ടറി ശ്രീജേഷ്, മുൻ യുത്ത് കോൺഗ്രസ് പ്രസിഡന്റ് അൻസിൽ അരവിന്ദ് സംസാരിച്ചു. കെ. രവീന്ദ്രൻ സ്വാഗതവും സച്ചിൻ സഹദേവൻ നന്ദിയും പറഞ്ഞു. കുടുബാംഗങ്ങളും സംബന്ധിച്ചു.