പാലേരി രമേശൻ അനുസ്മരണം

വടകര: യു.എൽ.സി.സി.എസ് ചെയർമാൻ അന്തരിച്ച പാലേരി രമേശനെ അനുസ്മരിച്ച് ഒഞ്ചിയം ഗ്രാമപഞ്ചായത്ത് ഭരണസമിതി കണ്ണൂക്കരയിൽ പൊതുയോഗം നടത്തി. മാനുഷിക മൂല്യങ്ങൾ ഉയർത്തിപ്പിടിച്ച സഹകാരിയുടെ വിയോഗം തീരാനഷ്ടമാണെന്ന് ചടങ്ങിൽ പങ്കെടുത്തവർ അഭിപ്രായപ്പെട്ടു. ഗ്രാമപഞ്ചായത്ത് പ്രസിഡന്റ് ഷജിന കൊടക്കാട് അദ്ധ്യക്ഷത വഹിച്ചു. സത്യൻ, പി ശ്രീജിത്ത്, സതി, അനിത പിലാകണ്ടി, രജിത്കുമാർ, യു.എൽ.സി.സി എസ് ഡയറക്ടർ പ്രകാശൻ പി, ഗ്രാമപഞ്ചായത്ത് സെക്രട്ടറി സഗീഷ്, സുരേന്ദ്രൻ യു എം, അഷറഫ് യു, വിശ്വനാഥൻ സി കെ,എൻ. പി ഭാസ്കരൻ, സുധീർ മഠത്തിൽ, അഡ്വ. ബൈജു രാഘവൻ എന്നിവർ പ്രസംഗിച്ചു. ജൗഹർ വെള്ളികുളങ്ങര സ്വാഗതം പറഞ്ഞു.